Прэзідэнт Польшчы Анджэй Дуда заклікаў Злучаныя Штаты Амерыкі размясціць ядзерную зброю на тэрыторыі краіны ў якасці стрымлівальнага фактару супраць расійскай агрэсіі.
У інтэрв'ю газеце Financial Times ён адзначыў, што нядаўна абмяркоўваў гэтае пытанне са спецыяльным прадстаўніком ЗША па Украіне Кітам Келагам.
Дуда падкрэсліў, што з моманту пашырэння межаў НАТА на ўсход у 1999 годзе павінна адбыцца і перамяшчэнне інфраструктуры альянсу на ўсход. Ён заявіў: «Для мяне гэта відавочна. Я думаю, што справа не толькі ў тым, што час прыйшоў, але і ў тым, што было б бяспечней, калі б гэтая зброя ўжо цяпер была тут».
Прэзідэнт Польшчы выказаў надзею аднавіць праект па сумесным выкарыстанні ядзернай зброі, які ён безвынікова прадстаўляў адміністрацыі былога прэзідэнта Джо Байдэна ў 2022 годзе.
Ён таксама адзначыў, што рашэнне аб размяшчэнні амерыканскай ядзернай зброі павінна прымаць адміністрацыя прэзідэнта ЗША Дональда Трампа. Дуда нагадаў пра заяву Уладзіміра Пуціна, зробленую ў 2023 годзе, аб перамяшчэнні расійскай тактычнай ядзернай зброі ў саюзную Беларусь: «Расія нават не вагалася, калі перамяшчала сваю ядзерную зброю ў Беларусь. Яны не пыталіся ні ў каго дазволу».
-
«Пасля апошняй размовы з маім папярэднікам бомбы ўпалі на дзіцячую бальніцу ва Украіне». Мерц упэўнены, што не трэба ўгаворваць Пуціна
-
Расія пашырыла сваё прадпрыемства па вытворчасці стратэгічных бамбавікоў. Але сістэмных праблем гэта не вырашае
-
У Дэтройце раскідалі з верталёта тысячы даляраў. Усім дасталося патрошкі
Цяпер чытаюць
Галоўны ідэолаг Беларусі знайшоў у краіне «псеўдапатрыятычныя ячэйкі» і заклікаў да змагання з імі «адзіным баявым кулаком»12
Каментары
[Зрэдагавана]
Iнакш прасiў бы ў Макрона, а не Трампа.