У Мінску падлетак плавіў дзвярныя званкі. Яго вылічылі па слядах красовак
У міліцыю паступіла некалькі паведамленняў, што ў пад'ездзе жылога дома на лесвічных пляцоўках аплаўленыя дзвярныя званкі. На месца выехала следча-аператыўная група са спецыялістам Дзяржаўнага камітэта судовых экспертыз.
Падчас агляду месцаў здарэння былі выяўленыя і канфіскаваныя сляды абутку. Па падазрэнні ў здзяйсненні правапарушэння быў затрыманы 14-гадовы падлетак, які спачатку адмаўляў сваю датычнасць.
Аднак пасля правядзення судовай трасалагічнай экспертызы, якая пацвердзіла супадзенне слядоў абутку са слядамі на месцы здарэння, ён прызнаў сваю віну.
Ён распавёў, што, калі вяртаўся дадому ад сябра, яму стала сумна і ён з дапамогай запальніцы вырашыў такім чынам «павесяліць» сябе.
Заведзена крымінальная справа за хуліганства.
Каментары