Грамадства2323

Памочнік Пуціна Мядзінскі хоча паставіць у Беларусі помнік Паскевічу — душыцелю паўстання 1830—31 гадоў

Былы міністр культуры Расіі абмеркаваў з кіраўніком адміністрацыі Лукашэнкі, якія помнікі варта паставіць у Беларусі.

Бюст Івану Паскевічу ў Гомелі. Фота: Wikimedia Commons

Памочнік Уладзіміра Пуціна, кіраўнік Расійскага ваенна-гістарычнага таварыства Уладзімір Мядзінскі хоча паставіць у Беларусі помнікі расійскаму фельдмаршалу Івану Паскевічу і савецкаму маршалу Канстанціну Ракасоўскаму.

Гэтае пытанне ён абмеркаваў з кіраўніком адміністрацыі Лукашэнкі Дзмітрыем Крутым.

«Абмеркавалі ўстаноўку ў Беларусі помнікаў К.К.Ракасоўскаму і І.Ф.Паскевічу, абсталяванне мемарыяльных месцаў у Маскве і Мінску ў гонар Герояў Савецкага Саюза — ураджэнцаў Беларускай зямлі, сінхранізацыю выкладання гісторыі ў школе і іншыя праекты па захаванні гістарычнай памяці», — напісаў Мядзінскі ў сваім тэлеграм канале.

Мядзінскі паўдзельнічаў у адкрыцці ў Мінску помніка салдатам Расійскай імператарскай арміі, якія загінулі падчас Першай сусветнай вайны. На стэле размясцілі герб Расійскай імперыі.

Іван Паскевіч вядомы як душыцель Лістападаўскага паўстання 1830-31 гадоў, якое разгарнулася на тэрыторыях сучасных Польшчы, Беларусі і Літвы. Паўстанне было жорстка падаўлена, расійскія ўлады ліквідавалі ўсе прывілеі Каралеўства Польскага. На тэрыторыі сучаснай Беларусі пачалася русіфікацыя, уніяцкая царква была ліквідавана, многіх удзельнікаў паўстання саслалі ў Сібір, іншым прыйшлося эміграваць. У 1849 годзе ён падавіў і венгерскае нацыянальнае паўстанне ў Аўстрыйскай імперыі.

Ужо будучы імператарскім намеснікам у Польшчы, Паскевіч выкупіў у Румянцавых палацава-паркавы комплекс у Гомелі. Там у сямейнай пахавальні пахаваны астанкі царскага фельдмаршала.

Каментары23

  • бабруйчанін
    14.03.2025
    Даведка Происходил из Паскевичей — потомственного казацкого рода Полтавского полка Войска Запорожского, ведущего начало от казака Пасько, старшины в армии гетмана Богдана Хмельницкого.
    Наконт здрадніка Уніі Сямашкі Іоські мітрапаліта адтуль жа..усім таксама вядома
  • %
    14.03.2025
    Ну так і Мураўеву яшчэ, Курлову. Цанаву не забыць, а як жа. Ну а што - гуляць так гуляць, русіфікаваць (дакладней - імперыялізаваць) так ужо напоўніцу
  • zen
    14.03.2025
    Іпаставіць. Хто забароніць?

Васкрасенскі: Адкрываецца неба — і Алесь Бяляцкі адразу выходзіць31

Васкрасенскі: Адкрываецца неба — і Алесь Бяляцкі адразу выходзіць

Усе навіны →
Усе навіны

Колькі каштуе сабраць дзіця ў школу сёлета1

Колькі можна зарабіць на высяканні кустоў у Швецыі? Малады беларус падзяліўся досведам19

Памёр Мікола Люцко

Іван Краўцоў: Заявы Ціханоўскай выглядаюць крывадушнымі56

Выйшаў на волю былы старшыня яўрэйскай абшчыны ў Гродне

Трамп сказаў, што ЗША давядзецца зноў пастаўляць зброю Украіне. Пентагон адразу ж абвясціў, што ўжо пачынае пастаўкі5

«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад3

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года14

На вайне ва Украіне загінуў былы дырэктар двух аршанскіх заводаў16

больш чытаных навін
больш лайканых навін

Васкрасенскі: Адкрываецца неба — і Алесь Бяляцкі адразу выходзіць31

Васкрасенскі: Адкрываецца неба — і Алесь Бяляцкі адразу выходзіць

Галоўнае
Усе навіны →

Заўвага:

 

 

 

 

Закрыць Паведаміць