У Мінску 500 павільёнаў на прыпынках грамадскага транспарту памяняюць на новыя
У Мінску будуць замененыя 500 прыпыначных павільёнаў, а таксама прыкладна 1,9 мільёна квадратных метраў асфальту, паведамляе БелТА.
Пра планы па рамонце і замене дарожнай інфраструктуры расказалі ў «Гаррамаўтадары» Мінгарвыканкама. У прыватнасці, плануецца замяніць каля 1,9 мільёна квадратных метраў асфальтабетоннага пакрыцця, з якіх 1 мільён «квадратаў» пойдуць пад поўную замену.
Пры гэтым мяняць асфальтабетоннае пакрыццё ў сталіцы ўжо пачалі. Але яшчэ пазней пачнецца замена прыпынкаў.
«Устаноўка прыпыначных павільёнаў новага ўзору пачнецца ў трэцім квартале сакавіка», — удакладніў гендырэктар «Гаррамаўтадара» Максім Белавус.
Ён дадаў, што новыя прыпынкі — у адзіным архітэктурным стылі, канцэпцыю якога зацвердзілі яшчэ два гады таму. Яны будуць створаныя з ацынкаванага металу з ударатрывалым таніраваным шклом. Тэрмін службы такіх прыпынкаў не менш за пяць гадоў.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1010
Каментары
Прыватызацыя дзяржпрыбыткаў працягваецца.