Васьмімесячны шчанюк з ЗША стаў самым дарагім сабакам у свеце. Яго прадалі за 5,7 мільёна даляраў, паведамляе New York Post.
Шчанюк па мянушцы Кадабомб Акамі — гэта рэдкі гібрыд ваўка і каўказскай аўчаркі. Ён вылучаецца не толькі сваім незвычайным паходжаннем, але і фізічнымі данымі. Васьмімесячны шчанюк ужо важыць больш за 75 кг і дасягае 76 см у карку, што робіць яго сапраўдным гігантам сярод сабак.
Пра гэтага ўнікальнага гадаванца загаварылі ўсе буйныя сусветныя СМІ. Нягледзячы на свой юны ўзрост, Акамі ўжо дэманструе выдатныя ахоўныя якасці, што і прыцягнула ўвагу яго ўладальніка.
Сатыш, вядомы заводчык з індыйскага Бангалора, плануе выкарыстаць Акамі ў якасці вартавога сабакі, бо такія гібрыды славяцца сваёй адданасцю і розумам.
Акамі сілкуецца трыма кілаграмамі сырога курынага мяса ў дзень, што дапамагае падтрымліваць яго выдатную фізічную форму.
51-гадовы Сатыш — дасведчаны сабакавод, у яго калекцыі налічваецца каля 150 сабак розных парод, а ягоная ферма для гадаванцаў займае сем акраў (каля 2,8 гектара). Кадабомб Окамі быў набыты з мэтай пазнаёміць індыйскую публіку з гэтым рэдкім гібрыдам і прадэманстраваць важнасць правільнага догляду за такімі жывёламі.
Кожны з сабак Сатыша мае ўласную камфортную будку, за імі даглядаюць шэсць супрацоўнікаў. Сабакавод запэўнівае, што ягоныя жывёлы атрымліваюць усё неабходнае, уключаючы клопат і ўвагу. Яны знаходзяцца пад кругласутачнай аховай.
Сатыш зарабляе, удзельнічаючы ў мерапрыемствах і дэманструючы сваіх гадаванцаў па ўсім свеце.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў9
Каментары
А ты ведь-взрослый человек, мужчина в расцвете сил. Ну на фиг. С собакой поспокойнее будет