Свет1111

Вэнс заявіў, што Трампа «не хвалюе лямант еўрапейцаў» адносна Грэнландыі

Віцэ-прэзідэнт ЗША Джэй Дзі Вэнс заявіў, што адміністрацыю прэзідэнта Дональда Трампа не цікавіць рэакцыя еўрапейцаў на магчымыя дзеянні ЗША ў дачыненні да Грэнландыі. Пра гэта ён паведаміў у інтэрв'ю тэлеканалу Fox News.

Дзі Джэй Вэнс. Фота: Kent Nishimura / Getty Images

«Калі нам давядзецца праявіць большую цікавасць да Грэнландыі ў тэрытарыяльным плане, мы гэта зробім. Прэзідэнта Трампа не хвалюе лямант еўрапейцаў», — заявіў Вэнс.

«Прэзідэнта Трампа цікавяць толькі амерыканскія нацыянальныя інтарэсы», — дадаў амерыканскі віцэ-прэзідэнт.

Ён таксама раскрытыкаваў Данію, якой па стане на гэты момант належыць Грэнландыя, назваўшы яе «кепскім саюзнікам», які «не выконвае сваю працу».

Прэзідэнт ЗША Дональд Трамп абгрунтоўвае сваю пазіцыю нацыянальнымі інтарэсамі ЗША, у прыватнасці ў сферы бяспекі. 13 сакавіка падчас сустрэчы з генеральным сакратаром НАТА Маркам Рутэ Трамп заявіў, што думае, што анексія Грэнландыі «адбудзецца». У самой Грэнландыі пасля таго прайшлі вулічныя пратэсты.

Цяперашняя заява Вэнса прагучала на фоне візіту амерыканскай дэлегацыі, у якую ўваходзіць і жонка віцэ-прэзідэнта ЗША Уша Вэнс, у Грэнландыю. Акрамя таго, прыехаць на гэты самы буйны ў свеце востраў збіраюцца дарадца Дональда Трампа па нацыянальнай бяспецы Майк Уолц і міністр энергетыкі ЗША Крыс Райт.

Прэм'ер-міністр Грэнландыі Мутэ Эгедэ рэзка асудзіў гэты візіт, назваўшы яго «вельмі агрэсіўным» і правакуючым эскалацыю напружанасці ў адносінах з Вашынгтонам.

Афіцыйна Белы дом заяўляў, што паездка амерыканскай дэлегацыі носіць культурны характар: маўляў, яна возьме ўдзел у нацыянальных гонках на сабачых запрэжках, наведае гістарычныя месцы і пазнаёміцца з грэнландскай спадчынай. Таксама госці збіраюцца наведаць размешчаную на востраве амерыканскую вайсковую базу. Аднак грэнландскія ўлады бачаць у гэтым візіце дэманстрацыю сілы і падаграванне цікавасці да ідэі далучэння Грэнландыі да ЗША.

Каментары11

  • Žvir
    24.03.2025
    Ник, davajcie nie pahlybliacca. Takija mudaki prosta plocha. I ūsio.

    Adno vyklikaje niedaūmieņnie, jany ž tam usie harvardskija dy jeļskija hadavancy, vysokakuļturnyja i pryklad usim!... Taki paradoks XXI stahoddzia...
  • Filipp
    24.03.2025
    Вэнс малайчына!
  • Ботам
    24.03.2025
    Filipp, А вось і 30 рублёвы расійскі бот выйшаў на працу.

Цяпер чытаюць

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі11

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Усе навіны →
Усе навіны

Да ветэранаў спецназа Паўлічэнкі прыязджаў незвычайны госць: беларус, але мусульманін3

Зніклі крыжы на могілках у Гудагаі

У Мінску разбураюць мурал на Машэрава, які летась «рэстаўравалі»1

Еўрасаюз рыхтуе поўную забарону аперацый з беларускімі банкамі80

У лесе пад Светлагорскам выратавалі сабаку, закапанага жыўцом8

Выпускніца з Баранавічаў набрала 400 балаў з 400 магчымых для паступлення6

У каго кантроль над данымі карыстальнікаў Telegram? Новае расследаванне13

Карупцыйная справа на Мазырскім НПЗ. Што вядома?

Расіяне выразалі на целе ўкраінскага палоннага словы «Слава Расіі»9

больш чытаных навін
больш лайканых навін

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі11

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі

Галоўнае
Усе навіны →

Заўвага:

 

 

 

 

Закрыць Паведаміць