Свет1313

Трамп: ЗША атрымаюць Грэнландыю «так ці інакш»

Вашынгтон падтрымлівае права Грэнландыі на самавызначэнне і з радасцю прыме яе ў склад ЗША ў якасці 51-га штата, пра гэта заявіў амерыканскі прэзідэнт Дональд Трамп.

Сталіца Грэнландыі — Нуук. Фота: AP Photo / David Goldman, File

«Мы працуем з усімі бакамі, каб дамагчыся гэтага, таму што Грэнландыя важная не толькі для нацыянальнай, але і для міжнароднай бяспекі», — заявіў Трамп падчас звароту да Кангрэсу.

ЗША разглядаюць Грэнландыю як стратэгічна важную тэрыторыю і гатовыя інвеставаць у яе развіццё.

«Я думаю, мы атрымаем Грэнландыю так ці інакш. Мы забяспечым вам бяспеку, зробім вас багатымі і разам падымем гэты рэгіён на вышыні, пра якія вы нават не марылі», — сказаў ён.

Трамп заявіў, што, нягледзячы на невялікую колькасць насельніцтва, Грэнландыя адыгрывае ключавую ролю ў пытаннях абароны і бяспекі. 

Трамп прапаноўваў купіць Грэнландыю ў Даніі яшчэ падчас свайго першага прэзідэнцтва. У студзені ён адмовіўся выключыць выкарыстанне вайсковай ці эканамічнай сілы, каб атрымаць кантроль над ёй і Панамскім каналам. Таксама прэзідэнт ЗША прыгразіў Даніі пошлінамі «на вельмі высокім узроўні», калі яна не пагодзіцца супрацоўнічаць у пытанні перадачы Грэнландыі.

Найбуйнейшы востраў свету ў многіх адносінах стаў займаць цэнтральнае месца ў геапалітычнай і геаэканамічнай канкурэнцыі, у тым ліку праз змену клімату, адзначае прафесар Джэф Дабелка, які займаецца пытаннямі экалогіі і бяспекі ў Універсітэце штата Агая. Запасы рэдказямельных металаў у Грэнландыі Геалагічная служба ЗША ацэньвае ў 1,5 млн тон; у саміх Злучаных Штатах іх толькі крыху больш — 1,8 млн тон.

У студзені Трамп заявіў журналістам, што, на ягоную думку, Вашынгтон усё ж такі атрымае кантроль над Грэнландыяй. «Я думаю, мы яе атрымаем«, — сказаў ён, дадаўшы, што 57 000 жыхароў вострава «хочуць быць з намі».

На самім востраве з ім згодныя далёка не ўсе. Грэнландцы «не хочуць быць амерыканцамі», заявіў Мутэ Эгедэ, прэм'ер-міністр вострава, які, будучы аўтаномнай тэрыторыяй Даніі, праводзіць самастойную ўнутраную палітыку. Раней Эгедэ казаў, што ягоныя жыхары хочуць здабыць поўную незалежнасць.

Прэм'ер-міністр Даніі Метэ Фрэдэрыксэн таксама заяўляла, што «Грэнландыя не прадаецца і не будзе прадавацца».

Каментары13

  • Esposito
    05.03.2025
    чакае яго цюрага у ілінойсе
  • Да уж
    05.03.2025
    Фашизмом и угроза агрессии в чистом виде.
  • Андрусь
    05.03.2025
    Ніякай розніцы паміж Трампам і Пуціным няма, нездарма першы ніколі ніводнага дрэннага слова не казаў пра другога

Цяпер чытаюць

Трамп: 17 сістэм Patriot адправім ва Украіну4

Трамп: 17 сістэм Patriot адправім ва Украіну

Усе навіны →
Усе навіны

Беларускі верталёт Мі-24 збіў расійскі беспілотнік, які ляцеў ва Украіну8

Забойства палкоўніка СБУ ў Кіеве здзейснілі грамадзяне Азербайджана6

Жыхары аграгарадка звярнуліся да Лукашэнкі: дзіцячы садок закрываюць, а малых, нават двухгадовых, будуць вазіць за 20 км10

Як жыве просты мінскі зваршчык, які выйграў тры мільёны рублёў5

Куды аддаць сёлета сваіх дзяцей, каб яны вучыліся па-беларуску1

Краіны ЕС пагадзіліся знізіць цэнавае абмежаванне на расійскую нафту на 15 %

У Францыі зняволены змог збегчы з турмы — яго вынес у сумцы сукамернік, які вызваліўся

Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны5

Сабаленка адарвалася ў рэйтынгу на гіганцкія 4750 балаў5

больш чытаных навін
больш лайканых навін

Трамп: 17 сістэм Patriot адправім ва Украіну4

Трамп: 17 сістэм Patriot адправім ва Украіну

Галоўнае
Усе навіны →

Заўвага:

 

 

 

 

Закрыць Паведаміць