На Заходнім беразе ракі Іардан збілі і затрымалі ўладальніка «Оскара»
Палесцінскі рэжысёр Хамдан Балал, які сёлета атрымаў прэмію «Оскар» за дакументальны фільм «Іншай зямлі няма» (No Other Land), аказаўся ў цэнтры канфлікту ў вёсцы Сусія на акупаваным Ізраілем Заходнім беразе ракі Іардан, піша Бі-бі-сі.
Як паведамляюць праваабаронцы і сведкі падзей, спачатку на Балала напалі ізраільскія пасяленцы, а потым яго затрымалі вайскоўцы ЦАХАЛ. Дзясяткі пасяленцаў атаквалі вёску Сусія, дзе жыве рэжысёр: у мясцовых жыхароў, аўтамабілі і дамы кідалі камяні. Па словах паліцыі, палесцінцы адказвалі тым самым.
Каля 18:00 каля дзясятка маскіраваных пасяленцаў атачылі дом Балала. Пазней ЦАХАЛ паведаміў, што «беспарадкі пачаліся пасля таго, як некалькі тэрарыстаў кідалі камяні ў ізраільскіх грамадзян і іх транспарт». Затрымалі трох палесцінцаў і аднаго ізраільцяніна — імя Балала ў заяве не фігуравала.
«Затрыманых даставілі для далейшага допыту ў паліцыю Ізраіля. Адзін ізраільскі грамадзянін атрымаў раненне і быў эвакуяваны для медыцынскай дапамогі», — заявілі ваенныя.
Ізраільскі рэжысёр Юваль Абрагам, які разам з Балалам атрымаў «Оскар» за No Other Land, сцвярджае, што Хамдана збілі салдаты, і яго павезлі на машыне хуткай дапамогі. У ЦАХАЛ гэта адмаўляюць. Абрагам таксама адзначыў, што ў выніку нападу пацярпелі людзі і пашкоджаны жылыя дамы.
У фільме «Іншай зямлі няма», які атрымаў прэмію як найлепшы дакументальны поўнаметражны фільм на 97-й цырымоніі ўручэння прэміі «Оскар», распавядаецца аб барацьбе за Масафер-Яту — грамаду, якая складаецца з 20 вёсак, на поўдні Заходняга берага.
«Мы вярнуліся з цырымоніі ўручэння «Оскара», і з тых часоў кожны дзень на нас здзяйсняюцца напады, — сказаў яшчэ адзін сурэжысёр фільма «Іншай зямлі няма» Базэль Адра агенцтву AP. — Магчыма, яны помсцяць нам за тое, што мы знялі гэты фільм. Гэта падобна на пакаранне»
«Мы вярнуліся з цырымоніі «Оскара», і з тых часоў нас нападаюць штодзень, — сказаў адзін з су-рэжысёраў фільма Базэль Адра агенцтву AP. — Магчыма, гэта помста за тое, што мы знялі гэты фільм. Гэта выглядае як пакаранне».
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою14
Каментары
Адмаўляць існаванне Ізраіля у Палясціне да " прыхода Міссі" дазваляецце ні толькі галахіческім рэлігіозным на падставе Торы Талмуда...)))