Уладзімір Зяленскі у інтэрв'ю журналісту CBS News Скоту Пелі падкрэсліў, што зараз украінцы «плацяць самую высокую магчымую цану», а закадравы голас сказаў, што на вайне ўжо загінулі 100 тысяч салдат.
CBS ацаніла страты Украіны ў вайне да 100 тысяч вайскоўцаў. Вяшчальнік агучыў колькасць загінулых у праграме «60 хвілін», прадстаўляючы інтэрв'ю з прэзідэнтам Украіны Уладзімірам Зяленскім. У офісе прэзідэнта ў каментары УП звярнулі ўвагу на тое, што сам Зяленскі падчас інтэрв'ю не называў лічбы па стратах вайскоўцаў.
Адказваючы на пытанне Пелі, ці ЗША і далей падтрымліваюць Украіну, Зяленскі зрабіў зацяжную шматзначную паўзу, затым адказаў, што хацеў бы сумленна і хутка назваць Вашынгтон стратэгічным партнёрам, але «паўза гэта сумнеў».
«Я не сумняваюся, што амерыканцы з намі, але ў нашай доўгай вайне многія дэталі забываюцца», — растлумачыў ён. Зяленскі дадаў, што ў Еўропе ўсе баяцца, што ЗША могуць адвярнуцца.
«Думаю, без ЗША мы панясем вялікія страты — чалавечыя і тэрытарыяльныя. Таму я не хацеў бы пра гэта думаць. Але гэта наш лёс, наша зямля, наша жыццё. Так ці інакш мы скончым гэтую вайну», — сказаў Зяленскі.
Дарэчы, два месяцы таму прэзідэнт Украіны казаў, што на вайне загінулі 46 тысяч украінскіх вайскоўцаў.
Каментары