У Вярхоўным судзе не змаглі патлумачыць, калі зноў стануць даступныя расклады судовых пасяджэнняў
У пачатку красавіка журналісты заўважылі, што ўжо каля месяца на сайце Вярхоўнага суда не публікуецца расклад судовых паседжанняў. Гэта тлумачылася «рэгламентнымі работамі», а цяпер першы намеснік старшыні Вярхоўнага суда Валерый Калінковіч патлумачыў, што гэтыя работы «бестэрміновыя», піша «Бюро».
«Тэрмін заканчэння работ у дачыненні да «раскладу судовых пасяджэнняў» у цяперашні час не вызначаны. Аб аднаўленні працы дадзенага сэрвісу карыстальнікі будуць праінфармаваныя», — піша Валерый Калінковіч у афіцыйным адказе на запыт.
Акрамя раскладу судовых пасяджэнняў, на сайце Вярхоўнага суда знік таксама раздзел аб «спецыяльнай вытворчасці», то-бок завочных судах над актывістамі, якія знаходзяцца за мяжой.
Раней з Нацыянальнага прававога інтэрнет-партала (pravo.by) знікла база судовых рашэнняў, дзе публікаваліся рашэнні судоў, у тым ліку па адміністрацыйных справах. У афіцыйным адказе Нацыянальнага цэнтра заканадаўства і прававой інфармацыі гаворыцца, што адбылася «аптымізацыя»:
«У рамках рэканструкцыі аддзела «Банк судовых рашэнняў» праведзены работы па аптымізацыі масіва рэсурсаў і яго інфармацыйнага напаўнення».
Яшчэ раней Вярхоўны суд абмежаваў доступ да банка даных судовых пастаноў, дзе публікаваліся рашэнні па эканамічных справах.
На сайце Вярхоўнага суда ўжо амаль месяц не выстаўляюць расклады судовых пасяджэнняў. І гэта наўрад ці выпадкова
Жыхарку Салігорска будуць судзіць за 54 пераводы палітвязням. Ёй пагражае да сямі гадоў
Пракурорская работніца расказала дзве гісторыі, калі ведамства дабілася меншых тэрмінаў для абвінавачаных
З Лондана Мельнікава вылецела на Шры-Ланку, у яе быў каханак спартовага выгляду з Беларусі22
Каментары