У сталічным гандлёвым цэнтры з’явілася велізарнае велікоднае яйка з сюрпрызам унутры
Адзін з галоўных сімвалаў хрысціянскай урачыстасці з’явіўся на днях у ГЦ «Dana Mall».
За два крокі ад цэнтральнага ўваходу зрабілі гіганцкае велікоднае яйка — але не зусім звычайнае. Унутры тэматычнай інсталяцыі праходзіць выстава дзіцячых малюнкаў, піша Onliner.by.
Да тэматычных святаў адміністрацыя гандлёвага цэнтра, як заўсёды, падыходзіць грунтоўна — гэты год не стаў выключэннем. Канструкцыя ў форме яйка мае эфектны знешні выгляд і выконвае функцыю не толькі фотазоны, але і пляцоўкі для выставы тэматычных малюнкаў і арт-аб’ектаў.
У штогадовым конкурсе «Вялікдзень у Minsk World» могуць паўдзельнічаць дзеці і падлеткі з любога куточка Беларусі. Кожны можа праявіць сваю вынаходлівасць і талент, а бонусам атрымаць грашовы прыз. Праўда, узнагарода дастанецца толькі найлепшым — іх вызначае журы конкурсу.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары