Будаўніцтва кожнага кіламетра метро ў Мінску каштуе больш за $60 мільёнаў
Галоўны інжынер патлумачыў, што ўплывае на кошт.
Будаўніцтва аднаго кіламетра метро ў Мінску каштуе больш за 60 мільёнаў даляраў. Пра гэта расказаў галоўны інжынер «Мінскметрапраекта» Георгій Пратасаў у інтэрв'ю «Радыё Мінск».
Кошт будаўніцтва можа вар'іравацца ў залежнасці ад мноства фактараў, такіх як тып грунту, тэхналогіі і метад бурэння. Фіксаванай верхняй мяжы кошту няма. Напрыклад, у Маскве такі праект абыходзіцца ў 90 мільёнаў даляраў за кіламетр.
Паколькі работы вядуцца ва ўмовах шчыльнай гарадской забудовы, гэта патрабуе стварэння аб'язных маршрутаў і пераносу інжынерных сетак.
Мінск таксама сутыкаецца з асаблівасцямі грунтоў — у раёне плошчы Бангалор, дзе будуецца трэцяя лінія метро, узровень падземных вод знаходзіцца на глыбіні ўсяго 1,5—2 метраў у некаторых месцах.
Самая глыбокая станцыя мінскага метро — «Юбілейная плошча», дзе глыбіня катлавана амаль дасягае 30 метраў.
Цяпер чытаюць
«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог2
Каментары