Budaŭnictva kožnaha kiłamietra mietro ŭ Minsku kaštuje bolš za $60 miljonaŭ
Hałoŭny inžynier patłumačyŭ, što ŭpłyvaje na košt.
Budaŭnictva adnaho kiłamietra mietro ŭ Minsku kaštuje bolš za 60 miljonaŭ dalaraŭ. Pra heta raskazaŭ hałoŭny inžynier «Minskmietraprajekta» Hieorhij Pratasaŭ u intervju «Radyjo Minsk».
Košt budaŭnictva moža varjiravacca ŭ zaležnaści ad mnostva faktaraŭ, takich jak typ hruntu, technałohii i mietad bureńnia. Fiksavanaj vierchniaj miažy koštu niama. Naprykład, u Maskvie taki prajekt abychodzicca ŭ 90 miljonaŭ dalaraŭ za kiłamietr.
Pakolki raboty viaducca va ŭmovach ščylnaj haradskoj zabudovy, heta patrabuje stvareńnia abjaznych maršrutaŭ i pieranosu inžyniernych sietak.
Minsk taksama sutykajecca z asablivaściami hruntoŭ — u rajonie płoščy Banhałor, dzie budujecca treciaja linija mietro, uzrovień padziemnych vod znachodzicca na hłybini ŭsiaho 1,5—2 mietraŭ u niekatorych miescach.
Samaja hłybokaja stancyja minskaha mietro — «Jubilejnaja płošča», dzie hłybinia katłavana amal dasiahaje 30 mietraŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary