Навукоўцы сцвярджаюць, што адкрылі новы колер, які ніхто раней не бачыў. Але ўбачыць яго амаль нерэальна

Група навукоўцаў сцвярджае, што адкрыла новы колер, які да гэтага часу не бачыў ні адзін чалавек у свеце, піша Бі-бі-сі.

Даследаванне стала вынікам эксперыменту, падчас якога амерыканскія навукоўцы накіроўвалі лазерныя імпульсы ў вочы ўдзельнікаў.

Удзельнікі эксперыменту паведамілі, што ўбачылі сіне-зялёнае адценне, якое навукоўцы назвалі «olo». Пры гэтым некаторыя эксперты адзначаюць, што існаванне новага колеру — гэта «дыскусійнае пытанне».

Вынікі даследавання былі апублікаваныя ў часопісе Science Advances, а адзін з яго аўтараў, прафесар Рэн Энг з Каліфарнійскага універсітэта, назваў адкрыццё «уражлівым».

Ён і яго калегі лічаць, што вынікі могуць патэнцыйна спрыяць далейшым даследаваннях у галіне дальтанізму.

Прафесар Энг, які быў адным з пяці ўдзельнікаў эксперыменту, сказаў у інтэрв'ю Бі-бі-сі, што

«olo» — гэта «больш насычаны колер, чым усё, што можна ўбачыць у рэальным свеце».

«Уявіце сабе, што ўсё жыццё вы бачыце толькі ружовы, дзіцячы ружовы, пастэльнае адценне ружовага, — растлумачыў ён. — І вось аднойчы вы прыходзіце ў офіс, і хтосьці апрануты ў самы яркі ружовы колер, які вы калі-небудзь бачылі, і ён кажа, што гэта новы колер, і ён называецца чырвоны».

Колер «olo» навукоўцы апісваюць як глыбокае сіне-зялёнае адценне.

Павялічыць

Падчас эксперыменту каманда даследчыкаў накіроўвала лазерны прамень у зрэнку аднаго вока кожнага з удзельнікаў.

У даследаванні прынялі ўдзел пяць добраахвотнікаў — чацвёра мужчын і адна жанчына — усе з нармальным каляровым зрокам. Трое з іх, у тым ліку прафесар Энг, былі суаўтарамі навуковага выдання.

Удзельнікі глядзелі ў прыладу пад назвай Oz, якая складаецца з люстэркаў, лазераў і аптычных кампанентаў. Абсталяванне было раней распрацавана часткай той жа навуковай каманды з Каліфарнійскага універсітэта ў Берклі і Універсітэта Вашынгтона, і пасля адаптавана для гэтага эксперыменту.

Сятчатка — гэта святлоадчувальны пласт тканкі ў задняй частцы вока, які адказвае за атрыманне і апрацоўку візуальнай інфармацыі. Ён пераўтварае святло ў электрычныя сігналы, якія перадаюцца ў мозг праз глядзельны нерв, дазваляючы нам бачыць.

Сятчатка ўтрымлівае колбачкі — клеткі, якія адказваюць за ўспрыманне колеру.

У чалавечым воку існуе тры тыпу колбачак: S, L і M — кожная з іх адчувальная да розных даўжынь хваль святла: сіняга, чырвонага і зялёнага адпаведна.

Як адзначаецца ў даследаванні, пры нармальным зроку «любое святло, якое стымулюе колбачку тыпу M, таксама абавязкова стымулюе суседнія колбачкамі тыпу L і/або S», таму што іх функцыі часткова перакрываюцца.

Аднак у гэтым даследаванні лазер стымуляваў толькі M-колбачкі, «што, у тэорыі, пасылала ў мозг каляровы сігнал, які ніколі не ўзнікае пры натуральным зроку», гаворыцца ў публікацыі.

Гэта азначае, што колер «olo» немагчыма ўбачыць няўзброеным вокам у рэальным свеце без спецыяльнай стымуляцыі.

Каб пацвердзіць назіраны колер падчас эксперыменту, кожны ўдзельнік настройваў каляровы дыск да таго часу, пакуль адценне не супадала з «olo».

Аднак некаторыя эксперты лічаць, што новы ўспрыманы колер — гэта «пытанне інтэрпрэтацыі».

Прафесар Джон Барбур, спецыяліст па візуальным успрыманні з Лонданскага ўніверсітэта City St George's, які не ўдзельнічаў у даследаванні, адзначыў, што, хоць гэтая праца з'яўляецца «тэхналагічным дасягненнем» у стымуляцыі селектыўных колбачак, адкрыццё новага колеру пакуль можна лічыць «спрэчным».

Ён растлумачыў, што, напрыклад, калі стымуляваць значную колькасць чырвоных колбачак (L), чалавек будзе «ўспрымаць глыбокі чырвоны колер», але яго яркасць можа вар'іравацца ў залежнасці ад адчувальнасці да чырвонага колеру, што збольшага падобна да таго, што адбывалася ў гэтым даследаванні.

Тым не менш, прафесар Энг прызнаў, што, хоць тэхнічна «olo» сапраўды вельмі цяжка ўбачыць, каманда працягвае вывучаць вынікі, каб зразумець, што гэта можа азначаць для людзей з дальтанізмам, якія маюць цяжкасці з адрозніваннем пэўных колераў.

• 5
• 2
• 5
• 3
• 1
• 0
• 0
• 0