Свет

Непал будзе дазваляць падымацца на Эверэст толькі дасведчаным альпіністам

У Непале будуць выдаваць дазвол на ўзыходжанне на найвышэйшую ў свеце вяршыню Эверэст толькі альпіністам, якія маюць вопыт заваявання хоць бы адной з 7000-метровых гімалайскіх вяршыняў. Праект новага закона, як заяўляецца, накіраваны на зніжэнне перапоўненасці і павышэнне бяспекі, піша Reuters.

Фота: Thanarat Boonmee / vecteezy.com

Непал, які ў значнай ступені залежыць ад альпінізму, трэкінгу і турызму, раней трапіў пад крытыку за тое, што дазволіў занадта шматлікім альпіністам, у тым ліку неспрактыкаваным, спрабаваць узысці на пік вышынёй 8849 метраў.

Гэта часта прыводзіць да доўгіх чэргаў альпіністаў у «зоне смерці» — вобласці пад вяршыняй з недастатковай колькасцю прыроднага кіслароду для выжывання. У вялікай колькасці смерцяў на гары абвінавачваюць яе «перанаселенасць».

У 2023 годзе, калі Непал выдаў 478 дазволаў, на схілах Эверэста загінулі 12 альпіністаў, яшчэ пяцёра зніклі без вестак. Летась загінулі 8 альпіністаў.

Згодна з прапанаваным законам, дазвол на ўзыходжанне на Эверэст будзе выдавацца толькі пасля таго, як альпініст падасць доказы таго, што ён падняўся хоць бы на адну 7000-метровую гару ў Непале.

Аператары міжнародных экспедыцый заклікаюць Непал дазволіць заваяванне любой 7000-метровай вяршыні, а не толькі тых, што знаходзяцца ў Гімалаях, для атрымання дазволу на ўзыходжанне на Эверэст.

«У гэтым няма ніякага сэнсу. Я б таксама дадаў у гэты спіс горы, якія блізкія да 7000 метраў і якія шырока выкарыстоўваюцца для падрыхтоўкі, такія як Ама-Даблам, Аканкагуа, Дэна і іншыя», — сказаў Лукас Фуртэнбах з аўстрыйскай кампаніі Furtenbach Adventures, якая арганізуе экспедыцыі.

Каментары

Цяпер чытаюць

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Усе навіны →
Усе навіны

Дзяўчына з-пад Маладзечна некалькі месяцаў жыла ў Гданьску на вуліцы. Яна расказала пра сваё няпростае жыццё24

Названы топ-25 кампаній з беларускім капіталам на Падляшшы

Генштаб Украіны паведаміў, што страты Расіі перавысілі 1 мільён чалавек7

Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі7

У мінскім кафэ заказы развозіць робат-афіцыянт

Хлопчыкі ўжо не ў модзе? Бацькі ўсё часцей хочуць дачок4

У Беларусі зноў сабралі грошы на лячэнне дзіцяці з СМА1

У найбліжэйшы час Ізраіль можа ўдарыць па Іране9

Амерыканскі мільянер прыехаў у Польшчу, каб набыць футбольны клуб, і насмерць падавіўся варэнікам15

больш чытаных навін
больш лайканых навін

Галыгіна прымусілі апраўдвацца за зварот да сілавікоў у 2020-м17

Галыгіна прымусілі апраўдвацца за зварот да сілавікоў у 2020-м

Галоўнае
Усе навіны →

Заўвага:

 

 

 

 

Закрыць Паведаміць