Роберт Дэ Ніра пра гендарны пераход дачкі: Я люблю яе гэтак жа, як любіў яго
Галівудскі акцёр Роберт Дэ Ніра заявіў, што падтрымаў свайго сына Аарона, які змяніў гендарную ідэнтычнасць і стаў жанчынай Эйрын.
У нядаўнім інтэрв’ю для выдання Them, прысвечанаму ЛГБТК+, Эйрын Дэ Ніра расказала пра «ўступленне ў новую ідэнтычнасць», піша Бі-бі-сі.
Знакаміты бацька Эйрын сказаў у каментары Variety:
«Я любіў і падтрымліваў Аарона як сына, а цяпер я люблю і падтрымліваю Эйрын як дачку».
«Не ведаю, што тут такога, — дадаў ён. — Я люблю ўсіх сваіх дзяцей».
29-гадовая дачка зоркі фільма «Добрыя хлопцы» расказала, што пачала гендарны пераход летась.
Эйрын, дачка Дэ Ніра і Тукі Сміт, казала, што акцёрка Лаверн Кокс стала для яе натхненнем, і цяпер яна спадзяецца дапамагчы пашырыць бачнасць трансгендарных людзей.
Што да досведу быць адной з сямі дзяцей Дэ Ніра, яна сказала: «Не існуе ідэальных бацькоў, але я ўдзячная, што мае бацькі абаранілі мяне ад празмернай публічнасці».
«Яны сказалі, што хочуць, каб у мяне было як мага болей звычайнае дзяцінства».
У Вялікабрытаніі апошнім часам разгарэліся спрэчкі вакол правоў трансгендарных жанчын пасля таго, як Вярхоўны суд аднагалосна пастанавіў, што, згодна з законам аб роўнасці, жанчына вызначаецца паводле біялагічнага полу.
Цяпер адзіная суддзя Вялікабрытаніі, якая публічна заявіла пра сваю трансгендарнасць, плануе падаць пазоў у Еўрапейскі суд за правы чалавека супраць гэтага рашэння, якое, на яе думку, парушае яе правы.
Каментары
Парушэнні могуць падзяляцца на:
1. Congenital Adrenal Hyperplasia (CAH) – прыроджаная гіперплазія наднырачнікаў
2. Androgen Insensitivity Syndrome (AIS) – сіндром нечуллівасці да андрогенаў
3. 5-alpha-reductase deficiency – дэфіцыт 5-альфа-рэдуктазы
4. Ovotesticular DSD – оватэстыкулярны стан (раней называлі «сапраўдны гермафрадытызм»)
5. Mixed Gonadal Dysgenesis – змешаная гонаднавая дысплазія
6. Complete Gonadal Dysgenesis – поўная гонаднавая дысплазія
7. Turner Syndrome (45,X) – сіндром Тэрнера
8. Klinefelter Syndrome (47,XXY) – сіндром Кляйнфельтэра
9. Mosaic DSD (напрыклад, 45,X/46,XY) – мазаічныя формы DSD
10. 17-beta-hydroxysteroid dehydrogenase deficiency – дэфіцыт
17-бэта-гідраксістэроід-дэгідрагеназы
11. Persistent Müllerian Duct Syndrome (PMDS) – сіндром персістэнцыі мюллерыевых пратокаў
12. Swyer Syndrome – 46,XY гонаднавая дысплазія з жаночым фенатыпам
Усё іншае, гэта псіхічныя адхіленні.