Беларусы за адну ноч сабралі для Святланы Курс у паўтара разу больш, чым яна прасіла. Гэта не толькі паказчык павагі народу да сваіх песняроў. Гэта яшчэ і знак, што лукашэнкаўскай агентуры не ўдалося разваліць фонды салідарнасці і незалежныя СМІ, піша Мікола Бугай.
«Па што ідзеш, воўча? — Па апошняе». Вакол гэтай страшнай прыказкі, у якой сканцэнтраваўся фатальны досвед нашага народу, будуецца назва рамана Евы Вежнавец (Святланы Курс).
Зграя лукашыстаў апошнія гады настойліва кружляла вакол двух базавых інстытутаў: фондаў салідарнасці і СМІ.
У іх метадах не было нічога звышнатуральнага: распальвалі зайздрасць, сеялі недавер, мяшалі праўду з няпраўдай. Яны не тупыя, яны не маюць ілюзій: немагчыма прымусіць палюбіць рэжым. Ім дастаткова, каб людзі расчараваліся ў любой сістэмнай дзейнасці. Усё прымітыўна, але на кагосьці ж уздзейнічалі вось такія выказванні (цытую ў арыгінале, некага вы і пазнаеце).
«Лгать, кидать на деньги под видом оказания помощи — отлично».
«Трэба шкадаваць беларусаў, бо ад йх імя, іх жа і падманаваюць, ад іх імя, ў іх жа саміх крадуць надзеі на вяртаньне і на тое, што ў краіне будзе створана нешта лепшае, чым есьць сеньня».
«О боже, сми врут. Покажите какие не врут?)»
Не толькі для Светы Курс беларусы за адну ноч сабралі у паўтара разу больш, чым яна прасіла. Тое самае было з Данілам Гаркавым.
Мы ведаем і ганарымся гэтым як нічым: як толькі «Наша Ніва» піша пра збор салідарнасці, там імгненна расце сума. Бо гэта не толькі паказчык павагі народу да сваіх песняроў ці пакутнікаў. Гэта яшчэ і знак даверу да нас.
З 2020 года беларускі народ выйшаў з моцнай звычкай узаемадапамогі.
Але калі б не было фондаў салідарнасці, то не было б каму збіраць грошы. Таму іх кіраўнікоў і абвяшчаюць тэрарыстамі.
Калі б не было СМІ, то інфармацыя не выходзіла б за булькі сяброў у сацсетках. Таму агентура так грызе і «Нашу Ніву», і «Люстэрка», таму Беларусь у сусветных лідарах па колькасці зняволеных журналістаў.
Дай бог Свеце адужаць. Яна крывінка свайго народа, яна пранесла і захоўвае і мову ў яе чысціні, і дух. За гэта яе так любяць. Дай бог ёй пабачыць свой народ у яго вялікай сіле — яшчэ большай, чым у 2020-м.
Толькі тады ваўкі падціснуць свае аблезлыя хвасцяры.
* * *
Падтрымаць Святлану Курс, даўшы ёй шанец на жыццё, можна па спасылцы.
А наколькі светлы і мудры чалавек Святлана Курс, можна пераканацца, паглядзеўшы яе інтэрв'ю ў нашай праграме «Ток».
-
Гэтых прафесій не заменіць штучны інтэлект. Беларусы могуць лёгка атрымаць такую адукацыю ў Еўропе
-
«Тэму генацыду беларускага народа прыдумалі расіяне і падсунулі гэта ў якасці сцэнарыя для мабілізацыі беларусаў»
-
Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары
Але я ведаю некаторых беларусаў з горшымі праблемамі і здароўем і якія моўчкі ўжо нават памерлі у статусе палітуцекачоў. І вы заносіце гэта сабе ў медальку. Пекла .