Вялікабрытанія і Германія сумесна распрацуюць новую зброю «глыбокага дакладнага ўдару» з дальнасцю дзеяння больш за 2000 кіламетраў, піша Deutsche Welle.
Праект заснаваны на абавязальніцтве, прынятым летась у межах двухбаковага абароннага пакта ад кастрычніка 2024 года. Лондан і Берлін падкрэслівалі неабходнасць таго, каб Еўропа магла абараніць сябе ва ўмовах магчымай эскалацыі вайны ва Украіне. Дакумент, у прыватнасці, прадугледжвае «абарону ўсходняга флангу НАТА, ліквідацыю прабелаў у патэнцыяле, паляпшэнне аператыўнай сумяшчальнасці і далейшую падтрымку Украіны».
Міністр абароны Вялікабрытаніі Джон Хілі і кіраўнік абароннага ведамства ФРГ Барыс Пісторыус абвесцяць пра запуск праекта ў Берліне.
У Лондане не ўдакладнілі тэрміны рэалізацыі ініцыятывы ці яе бюджэт. Чакаецца, што міністры таксама абмяркуюць сумесныя закупкі тарпед для марскіх патрульных і разведвальных самалётаў і абвесцяць пра здзелку па закупцы Германіяй ваенных мастоў брытанскай вытворчасці.
Каментары