Лоты па продажы некалькіх вагонаў-саўнаў як арыштаванай маёмасці з'явіліся на пляцоўцы «БелЮрЗабеспячэнне». Усе яны належаць дзяржаўным прадпрыемствам-даўжнікам Гомельскай вобласці, і цяпер іх спрабуюць прадаць, каб пакрыць даўгі перад дзяржавай, піша «Флагшток».
Адзін з такіх вагонаў прадаецца за 11,8 тысяч рублёў у Веткаўскім раёне — маёмасць належыць гаспадарцы ААТ «Стаўбунскі».
Яшчэ ў двух выпадках рэалізуюць вагоны-саўны камунальнага прадпрыемства КЖУП «Брагінскае». Адзін з іх знаходзіцца ў вёсцы Краснае, другі — у вёсцы Малейкі. Абодва хочуць прадаць па цане 21,9 тысяч рублёў.
На фота бачна, што саўны ўжо даўно не выкарыстоўваюцца і знаходзяцца ў аварыйным стане.
Такія прычэпы-саўны вытворчасці «МАЗ-Купава» камунальнікі Гомельскай вобласці ўсталёўвалі ў аграгарадках амаль 20 гадоў таму. У той час улады спрабавалі выконваць сацыяльныя стандарты і рабіць жыццё на вёсцы больш прывабным. За наведванне такой саўны бралі невялікія грошы.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары
дзе так кажуць?
Ад рэдактара. Зазірніце ў слоўнік, калі ласка.
[Зрэдагавана]