У дзяжурную часць Івацэвіцкага РАУС паступіла інфармацыя пра пажар у вёсцы Няхачава. Паводле даных міліцыі, дом падпаліў яго 34-гадовы гаспадар, які быў затрыманы на месцы здарэння.
Як высветлілася, у дзень здарэння мужчына, які жыве разам з жонкай і двума непаўналетнімі дзецьмі, пачаў раніцу з ужывання спіртнога. Неўзабаве паміж ім і жонкай узнік бытавы канфлікт. У парыве злосці мужчына пагражаў спаліць усіх у доме, схапіў каністру з бензінам і паспрабаваў абліць ім пакой. Аднак жонцы ўдалося вырваць ёмістасць з ягоных рук.
Тады мужчына знайшоў іншую пасудзіну з палівам, выліў яе змесціва на канапу і падпаліў агнём з запальнічкі.
Жанчына спрабавала патушыць агонь, але безвынікова. Яна паспешліва эвакуіравала дзяцей і самога мужа з хаты, пасля чаго выклікала пажарнікаў.
У выніку пажару знішчана каля паловы хаты і дах.
У дачыненні да гаспадара пачалі крымінальную справу за пагрозу знішчэннем маёмасці грамадска небяспечным спосабам (максімальнае пакаранне — да 3 гадоў пазбаўлення волі). Акрамя таго, разглядаецца пытанне пра завядзенне справы за наўмыснае пашкоджанне маёмасці — за гэта можа пагражаць да 10 гадоў турмы.
Праз дзевяць месяцаў пасля вызвалення памёр палітвязень Валерый Богдан7
Каментары