Стала вядома, хто будзе даваць крэдыты гандлёвым сеткам на авансавыя плацяжы за агародніну
Два беларускія банкi выдадуць крэдыты гандлёвым сеткам на авансавыя выплаты за гародніну ў міжсезонне. Гэта прадугледжана ва ўказе Лукашэнкі №232 ад 11 чэрвеня 2025 года, які быў афіцыйна апублікаваны на Нацыянальным прававым партале.
Указ вызначае адказнасць гандлёвых сетак за адсутнасць у краме пладова-агародніннай прадукцыі ў міжсезонны перыяд. Банкі Белаграпрамбанк і Беларусбанк будуць выдаваць крэдыты нарыштоўшчыкам на тэрмін да аднаго года для аплаты авансаў па дамовах пастаўкі прадукцыі са стабілізацыйных фондаў.
Гандлёвыя сеткі змогуць атрымліваць крэдыты пад 3% гадавых на авансавую аплату 30% пладова-агародніннай прадукцыі, якую яны замаўляюць у дзяржаўным парадку пад свае патрэбы. Сума крэдыту вылічваецца па дамове пастаўкі з улікам ПДВ.
У дакуменце таксама адзначаецца, што ў дамовы пастаўкі нельга ўключаць элементы іншых дамоў, у тым ліку пагадненняў аб узаемным залічванні патрабаванняў, а таксама ўмовы пра зніжкі, якія не прадугледжаныя законам. Акрамя таго, забаронена ўключаць абавязкі па прыёмцы прадукцыі, якая не адпавядае тэхнічным і нарматыўным патрабаванням.
Форму стандартнай дамовы пастаўкі будзе вызначаць Міністэрства антыманапольнага рэгулявання і гандлю. Указ уступае ў сілу з 14 чэрвеня 2025 года.
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»1
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары
Рэкет белоруссского уровня 😱