«Абзвоньваем дзяцей, унукаў». Чыноўнікі з рулеткамі пайшлі правяраць вышыню травы на ўчастках беларусаў
Сельскія начальнікі пайшлі правяраць, як беларусы выконваюць новыя патрабаванні да прыватных прысядзібных участкаў. Робяць яны гэта не абы-як, а з вымяральнымі прыборамі — рулеткамі і лінейкамі. Як гэта адбываецца, паказалі на АНТ.
Старшыня Пашкоўскага сельскага выканкама Ларыса Кавальчук абыходзіць двары з рулеткай і планшэтам, у якім яна робіць запісы па выніках праверкі і выпісвае прадпісанні парушальнікам.
Прычына — новыя правілы. Высокая трава каля дома цяпер пад забаронай: калі яна перавышае 20 см, уладальніку выпісваецца прадпісанне аб неабходнасці скасіць тэрыторыю.
— Калі вымяраем траву, і яна вышэй за 20 см, выдаём прадпісанне — трэба навесці парадак вакол дома, — тлумачыць Ларыса.
Пастанова Савета Міністраў выклікала шырокі рэзананс. У сацсетках з'явілася безліч жартаў і відэа пра «фатальныя» 20 сантыметраў. Людзі абураныя: сіл у пажылых людзей ледзь хапае на свой участак, а іх прымушаюць рабіць чужое. Штраф — да 1050 рублёў.
Правілы тычацца ўладальнікаў прыватных дамоў, дач і зямельных участкаў. Трэба скошваць траву не толькі ў двары, але і вакол — ад плоту да тратуара ці дарогі, а з іншых бакоў — да паловы адлегласці да суседзяў. Калі ж участак вялікі — шырынёй 10 метраў.
Старшыня Махоўскага сельскага выканкама Андрэй Ланчаў кажа, што тых, чые ўчасткі будуць прызнаныя «не адпаведнымі патрабаванням», для пачатку паспрабуюць пераканаць прывесці ў парадак — саматугам або пры дапамозе родных.
«Сталым людзям даводзіцца прапаноўваць дапамогу. Мы абтэлефаноўваем дзяцей, унукаў, сваякоў — пераканаўча просім, каб яны прымалі актыўны ўдзел у навядзенні парадку», — растлумачыў стратэгію сельсаветаў.
Прыбіраць трэба не толькі траву. Звяртаюць увагу і на агароджы, звалкі, дровы, будматэрыялы. Усё, што псуе выгляд, павінна быць прыбрана.
Людзі абураныя тым, што дзяржава не ў стане выканаць свае абавязкі: за падаткі, што плацяць у бюджэт людзі, навесці парадак на зямлі.
«Уласнік жылля — бабуля. Пры чым тут сын унук, дачка, сват? Выбачайце, але па законе яны нічога не абавязаныя», — абураюцца людзі ў каментарах у тыктоку, куды АНТ выклала сюжэт.
Апытанка
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары
Сільна! Працвітюшчэ!