«Abzvońvajem dziaciej, unukaŭ». Čynoŭniki z ruletkami pajšli praviarać vyšyniu travy na ŭčastkach biełarusaŭ
Sielskija načalniki pajšli praviarać, jak biełarusy vykonvajuć novyja patrabavańni da pryvatnych prysiadzibnych učastkaŭ. Robiać jany heta nie aby-jak, a z vymiaralnymi pryborami — ruletkami i liniejkami. Jak heta adbyvajecca, pakazali na ANT.
Staršynia Paškoŭskaha sielskaha vykankama Łarysa Kavalčuk abychodzić dvary z ruletkaj i płanšetam, u jakim jana robić zapisy pa vynikach pravierki i vypisvaje pradpisańni parušalnikam.
Pryčyna — novyja praviły. Vysokaja trava kala doma ciapier pad zabaronaj: kali jana pieravyšaje 20 sm, uładalniku vypisvajecca pradpisańnie ab nieabchodnaści skasić terytoryju.
— Kali vymiarajem travu, i jana vyšej za 20 sm, vydajom pradpisańnie — treba navieści paradak vakoł doma, — tłumačyć Łarysa.
Pastanova Savieta Ministraŭ vyklikała šyroki rezanans. U sacsietkach źjaviłasia bieźlič žartaŭ i videa pra «fatalnyja» 20 santymietraŭ. Ludzi aburanyja: sił u pažyłych ludziej ledź chapaje na svoj učastak, a ich prymušajuć rabić čužoje. Štraf — da 1050 rubloŭ.
Praviły tyčacca ŭładalnikaŭ pryvatnych damoŭ, dač i ziamielnych učastkaŭ. Treba skošvać travu nie tolki ŭ dvary, ale i vakoł — ad płotu da tratuara ci darohi, a ź inšych bakoŭ — da pałovy adlehłaści da susiedziaŭ. Kali ž učastak vialiki — šyrynioj 10 mietraŭ.
Staršynia Machoŭskaha sielskaha vykankama Andrej Łančaŭ kaža, što tych, čyje ŭčastki buduć pryznanyja «nie adpaviednymi patrabavańniam», dla pačatku pasprabujuć pierakanać pryvieści ŭ paradak — samatuham abo pry dapamozie rodnych.
«Stałym ludziam davodzicca prapanoŭvać dapamohu. My abtelefanoŭvajem dziaciej, unukaŭ, svajakoŭ — pierakanaŭča prosim, kab jany prymali aktyŭny ŭdzieł u naviadzieńni paradku», — rastłumačyŭ stratehiju sielsavietaŭ.
Prybirać treba nie tolki travu. Źviartajuć uvahu i na aharodžy, zvałki, drovy, budmateryjały. Usio, što psuje vyhlad, pavinna być prybrana.
Ludzi aburanyja tym, što dziaržava nie ŭ stanie vykanać svaje abaviazki: za padatki, što płaciać u biudžet ludzi, navieści paradak na ziamli.
«Ułaśnik žylla — babula. Pry čym tut syn unuk, dačka, svat? Vybačajcie, ale pa zakonie jany ničoha nie abaviazanyja», — aburajucca ludzi ŭ kamientarach u tyktoku, kudy ANT vykłała siužet.
Apytanka
-
U Biełarusi vyrašyli nie zabaraniać vejpy — bo na ich jość «peŭny spažyviecki popyt»
-
U Minsku pastavili bronzavy pomnik kačcy, jakaja letaś stała lubimicaj stalicy
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
Kamientary
Silna! Praćvitiušče!