Брытанскі парламент распушчаны, прызначаныя новыя выбары
Яны пройдуць 6 мая.
У Вялікабрытаніі абвешчана дата новых парламенцкіх выбараў — яны пройдуць 6 мая.
Прэм’ер‑міністр Вялікабрытаніі Гордан Браун наведаў каралеву ў Букінгемскім палацы і папрасіў дазволу распусціць парламент і прызначыць новыя выбары. Каралева пагадзілася з яго прапановай і датай новых выбараў — 6 мая.
Вярнуўшыся ў сваю рэзідэнцыю на Даўнінг‑стрыт, 10, Браўн у атачэнні чальцоў кабінета афіцыйна абвясціў дату выбараў. У сваёй кароткай прамове брытанскі прэм’ер заклікаў выбаршчыкаў даць яму мандат для аднаўлення эканомікі і завяршэння рэформаў у сацыяльнай сферы.
Аналітыкі адзначаюць, што галоўнымі тэмамі перадвыбарчай кампаніі будуць эканоміка, праблемы іміграцыі і рэформы аховы здароўя.
Упершыню ў брытанскай гісторыі пройдуць тэледэбаты ў жывым эфіры паміж лідэрамі найбуйнейшых палітычных партый. Паводле апытанняў грамадскай думкі, напярэдадні выбараў лідзіруе апазіцыйная Кансерватыўная партыя.
Цяпер чытаюць
Стала вядома, дзе працуе фаварытка Лукашэнкі Уладлена Зайцава5
Каментары