77-гадовая жанчына ехала аддаць дакументы ў суд, а ў выніку адвезла за мяжу чужыя грошы
Жанчыне напярэдадні патэлефанавалі нібыта з «Белтэлекама» і на падставе падаўжэння дамовы на аказанне паслуг выманілі пашпартныя звестак.
Пасля з ёй звязаўся лжэ-праваахоўнік і паведаміў, што з выкарыстаннем яе асабістых даных ажыццяўляюцца незаконныя фінансавыя аперацыі, паведамляе «Міліцыя Мінска».
Мужчына пераканаў жанчыну, што махляр устаноўлены і крымінальная справа рыхтуецца да перадачы ў суд. Пенсіянерку папрасілі выступіць сведкай і адвезці недастаючыя дакументы для судовага пасяджэння ў суседнюю дзяржаву.
Па «важныя паперы» мінчанка паехала па паказаным ёй адрасе, дзе забрала ў падманутай 76-гадовай пацярпелай пакет, у якім знаходзіліся 4500 рублёў, адвезла за мяжу і перадала невядомым.
Заведзена крымінальная справа за махлярства.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі8
Каментары