Свет11

Украінскі вайсковец знайшоў каля беларускай мяжы зубы маманта

Падчас нясення службы непадалёк ад беларуска-ўкраінскай мяжы вайсковец з Ровеншчыны выпадкова знайшоў парэшткі маманта, паведамляе Ровенская абласная дзяржаўная адміністрацыя.

Фота: facebook.com/RivneODA

Знаходку зрабіў вайсковец Сяргей, які служыць з 2014 года і раней удзельнічаў у антытэрарыстычнай аперацыі. Падчас поўнамаштабнага ўварвання Расіі ён знаходзіўся на Сумшчыне, а пазней ягоную часць перакінулі на поўнач Ровеншчыны, і менавіта там ён трапіў на нечаканую знаходку. На той момант Сяргей якраз рыхтаваўся да звальнення са службы.

Падчас умацавання пазіцый мужчына звярнуў увагу на незвычайны колер і тэкстуру глебы. Калі пачаў расчыстку яе, убачыў нешта, што нагадвала зуб. Спачатку падумаў, што гэта звычайны камень, але форма і фактура былі дзіўныя.

Фота: facebook.com/RivneODA

Пра знаходку Сяргей паведаміў ва ўпраўленне па справах ветэранаў Ровенскай аблдзяржадміністрацыі. Дзякуючы супрацоўніцтву з навукоўцамі парэшткі маманта перадалі ў Здолбунаўскі краязнаўчы музей.

Як расказаў дырэктар музея Аляксандр Чыжэўскі, знойдзеныя зубы, хутчэй за ўсё, належалі маманту, які жыў на тэрыторыі старажытнай Валыні больш за 12 тысяч гадоў таму.

Паводле яго слоў, гэтая знаходка каштоўная не толькі як палеанталагічны артэфакт, але і як сімвал часу: «Абаронца краіны капае акоп і знаходзіць сведчанне дагістарычнай эпохі».

Зубы маманта ўжо прынялі на ўлік і ў будучыні ўнясуць у Электронны дзяржаўны рэестр нацыянальнага музейнага фонду.

Каментары1

  • Барадзед
    04.07.2025
    Где остальной мамонт? Продал китайцам как лекарство от импотенции?

Цяпер чытаюць

Ігар Тур патраціў мінімум 30 тысяч на прэміяльную кухню ФОТА23

Ігар Тур патраціў мінімум 30 тысяч на прэміяльную кухню ФОТА

Усе навіны →
Усе навіны

Макрон заявіў пра гатоўнасць адправіць ва Украіну 50 тысяч вайскоўцаў5

У Навагрудку падпісалі дамову аб стварэнні Беларускага музея Халакосту4

Застрэлены ў Кіеве палкоўнік СБУ кіраваў групай, якая ліквідавала «Матаролу»1

Канапацкая едзе ў Літву на аўтобусе падаваць заяву ў Дэпартамент дзяржбяспекі ФОТАФАКТ66

Памерла Ірына Яскевіч

«А мяне менш за ўсё турбуе, ці загаворыць Сяргей Ціханоўскі па-беларуску»211

Беларусы дзеляцца відэазапісамі пралётаў расійскіх беспілотнікаў10

У Бабруйскім раёне адшукалі два двухсотгадовыя дубы-волаты1

У небе над Кіевам упершыню з 2022 года з'явіўся цывільны транспартны самалёт1

больш чытаных навін
больш лайканых навін

Ігар Тур патраціў мінімум 30 тысяч на прэміяльную кухню ФОТА23

Ігар Тур патраціў мінімум 30 тысяч на прэміяльную кухню ФОТА

Галоўнае
Усе навіны →

Заўвага:

 

 

 

 

Закрыць Паведаміць