Чарговы рэкорд. У Depo прапануюць кватэры з цаной за метр $6500
Нерухомасць у Мінску працягвае бязлітасна даражэць, што, безумоўна, на руку прэміяльнаму сегменту, бо ў агульным хаосе іх расцэнкі ўжо не здаюцца занадта амбіцыйнымі. Але жылы комплекс Depo на праспекце Незалежнасці ўсё роўна не перастае здзіўляць. Забудоўшчык аб’явіў пра продаж чарговай порцыі кватэр, «квадрат» у якіх ацэнены ў $6500, піша Onliner.
Праектная дэкларацыя праекта была апублікавана ў газеце «Звязда». Ідзе размова пра дом №9.3 па генплане, які ў сваім маркетынгавым увасабленні мае назву Tatra 3. Здаць яго плануюць у 2026 годзе.
Гэта маналітна‑каркасны шасціпавярховы жылы дом з цокальным паверхам. На апошнім паверсе знаходзяцца адна– і двухузроўневыя пентхаусы. Пад домам ёсць падземны паркінг, у які можна спусціцца на ліфце.
Дольшчыкам прапануюць 20 кватэр плошчай ад 53,57 да 180,68 кв. м. Атрымліваецца, застройшчык у набліжанай перспектыве прадасць каля 2000 «квадратаў» жылля.
Цана аднаго метра — $6500. На дадзены момант гэта самая высокая цана на рынку нерухомасці Мінска.
Цікава, што ў праектнай дэкларацыі згадваецца пра магчымасць дольшчыкам атрымаць зніжку ад застройшчыка. Гэтае пытанне разглядаецца індывідуальна і залежыць ад плошчы кватэры, планіроўкі, паверха, першапачатковага ўнёску і графіка плацяжоў.
-
«Адмыла кватэру, а яна кажа: выязджай». Беларуска зняла аднапакаёўку ў Мінску, але гаспадыня ўбачыла «камуналку» і перадумала
-
Самы паспяховы блогер-садавод Брэста перарабіў стары фургон у дачны домік ВІДЭА
-
«Калі затопіць, адразу і не зразумееш, адкуль менавіта». У Мінску ёсць унікальны шматпавярховік, дзе ўсе кватэры — трохузроўневыя.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары
І нават горш, там расейцы