Памёр вядомы беларускі археолаг Эдвард Зайкоўскі, паведамілі на ягонай асабістай старонцы ў фэйсбуку. Яму было 72 гады.
Эдвард Зайкоўскі нарадзіўся 18 лістапада 1952 года ў вёсцы Дубашы Валожынскага раёна. У 1975 годзе скончыў Беларускі дзяржаўны ўніверсітэт.
У канцы 1970-х — пачатку 1980-х быў удзельнікам грамадскага аб’яднання «Беларуская Майстроўня».
З 1980 года працаваў у Інстытуце гісторыі Нацыянальнай акадэміі навук Беларусі. У 1985 годзе абараніў кандыдацкую дысертацыю па гістарычных навуках.
Спецыялізаваўся на вывучэнні неалітычных і бронзавых помнікаў, а таксама даследаваў старажытныя язычніцкія вераванні і першабытнае мастацтва на тэрыторыі Беларусі.
Таксама Эдвард Зайкоўскі — аўтар шэрагу навукова-папулярных прац, сярод якіх кніга «Першабытныя помнікі Паўночнай Беларусі» (1990), «Старажытная беларуская кухня» (у суаўтарстве, 1995) і мноства артыкулаў па старажытнай гісторыі і культуры Беларусі.
Развітанне з Эдвардам Зайкоўскім адбудзецца ў сераду, 23 ліпеня з 13:00 да 14:00, у Рытуальнай зале па адрасе: горад Мінск, вул. Альшэўскага, 10.
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары
Чалавек, з каторага і паўстала Адраджэнне Беларусі з савецкага заняпаду.