Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
60-гадовы беларускі спецыяліст Павел Раднёнак стаў галоўным трэнерам «Граніцы», піша football.by.
«Граніца» базуецца ў горадзе Кетшын, што знаходзіцца непадалёк ад мяжы з Калінінградскай вобласцю.
Папярэднім месцам працы Раднёнка быў «Астравец» (Д2). Ён прыняў каманду ў студзені 2024 года, а пакінуў яе праз два тыдні пасля паперы з КДБ.
У 2022 годзе «Энергетык-БДУ» пад кіраўніцтвам Паўла заваяваў сярэбраныя медалі вышэйшай лігі, але быў пазбаўлены другога месца і месца ў еўракубках за дамоўныя матчы, а таксама з клуба знялі 30 балаў.
Павел Раднёнак быў гульцом мінскага «Дынама» часоў СССР, правёў 12 сезонаў, выступаў на пазіцыі абаронцы. Згуляў 12 матчаў за зборную Беларусі.
Раднёнак быў з сакавіка спартыўным дырэктарам «Граніцы». Клуб заняў у сваёй групе 9-е месца, адстаўшы ад першага месца на 24 балы.
Каментары