У Мінску мужчына чапляўся да маладога хлопца на прыпынку. Хлопец аказаўся амапаўцам
Выхадны ў сілавіка пайшоў не па плане.
Гісторыя адбылася на прыпынку грамадскага транспарту ў Мінску. Невядомы мужчына падышоў да людзей, якія чакалі аўтобус, і пачаў да іх чапляцца.
Пагаварыць з мужчынам паспрабаваў малады хлопец. Ён пацікавіўся, што адбываецца. Мужчыну гэта вельмі не спадабалася. Як сцвярджаюць у міліцыі, пасля гэтага ён поўнасцю пераключыўся на хлопца — пачаў крычаць, паводзіў сябе агрэсіўна і правакаваў канфлікт.
Малады чалавек зрабіў некалькі крокаў назад, каб не правакаваць мужчыну. Але той не супакоіўся і ў выніку сарваў з яго акуляры. Тады хлопец правёў удушлівы прыём, пасадзіў парушальніка ў кветкавы газон і папрасіў людзей выклікаць міліцыю.
Аказалася, мужчына праз няведанне чапляўся да супрацоўніка АМАПа — старшага сяржанта Паўла Паўлоўскага. У той дзень у сілавіка быў выхадны.
Паўлоўскі ўтрымліваў мужчыну ў захопе да прыезду нараду міліцыі. Хулігана затрымалі і адправілі ў аддзяленне. Сам Паўлоўскі, як паведамляецца, атрымаў нязначныя цялесныя пашкоджанні.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары