У першай палове гэтага тыдня Беларусь будзе знаходзіцца пад уплывам вобласці паніжанага атмасфернага ціску і паветраных мас умераных шырот,
паведаміла галоўны сіноптык Рэспубліканскага гідраметэацэнтра Вольга Фядотава.
У аўторак, 20 красавіка, атмасферныя франты, што сунуцца з паўднёвага захаду Еўропы, выклічуць дажджы ў многіх рэгіёнах краіны. 21 красавіка кароткачасовыя дажджы чакаюцца месцамі.
Тэмпература паветра ў ноч на аўторак складзе 4‑10 градусаў цяпла, на паўночным захадзе Беларусі — ад нуля да плюс 3 градусаў. Удзень, 20 красавіка, паветра прагрэецца да 10‑16 градусаў цяпла, а ў Гомельскай і Магілёўскай абласцях — да плюс 18 градусаў.
У сераду начная тэмпература будзе вагацца ад 2 градусаў марозу на поўначы краіны да 7 градусаў цяпла на поўдні. У дзённыя гадзіны тэмпературны фон чакаецца ў межах 10‑16 градусаў цяпла.
Пачынаючы з чацвярга, 22 красавіка, паўночнаатлантычны цыклон, які апусціцца на Скандынаўскі паўвостраў, будзе cкіроўваць на тэрыторыю Беларусі халодныя паветраныя масы з паўночнай Атлантыкі.
Таму час ад часу будуць ісці дажджы, а ноччу ў паўночных раёнах верагодны мокры снег. Тэмпература паветра ўначы будзе вагацца
ад мінус 3 да плюс 5 градусаў, а ў дзённыя гадзіны не будзе перавышаць 5‑12 градусаў цяпла.
Паводле папярэдніх прагнозаў, не зменіцца характар надвор’я і ў суботу, 24 красавіка. У многіх раёнах чакаюцца кароткачасовыя дажджы. У Віцебскай вобласці магчымы мокры снег. Начная тэмпература паветра будзе вагацца ад мінус 2 да плюс 5 градусаў.
Днём чакаецца ад 5 да 12 градусаў цяпла.
Паляпшэнне надвор’я чакаецца толькі ад нядзелі,25 красавіка, калі атмасферны ціск зноў пачне расці. Аднак месцамі яшчэ магчымыя кароткачасовыя дажджы. Дзённая тэмпература дасягне 7‑14 градусаў цяпла.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары