У Мінску дабудавалі нетыповую школу. І па дызайне, і па спецыялізацыі
Школа № 227 у «Мінск-Свет» хутка прыме вучняў. У тэлеграм-канале «Мінскбуда» паказалі, як будынак выглядае цяпер.
Як паведамляюць у «Мінскбудзе», на спортпляцоўках цяпер ставяць абсталяванне, наносяць разметку, здымаюць упакоўку з малых формаў. Ужо гатовыя трыбуны для гледачоў і напоўнена пяском яма для скокаў.
Абедзве чашы басейна ўжо напоўненыя — яны размешчаныя ў асобным будынку. Тут жа гардэробныя, душавыя.
Унутры будынка прыбіраюць: трэба навесці чысціню, расставіць мэблю, падключыць абсталяванне.
Школа разлічана на 1056 месцаў. У ёй будзе рэдкі напрамак — чыгуначны профіль. Таму і афармленне адпаведнае — напрыклад, у фае на сцяне намаляваны цягнік.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў34
Каментары