Міністэрства фінансаў ЗША абнавіла Спіс асобна пазначаных грамадзян і заблакаваных асоб (SDN) Упраўлення па кантролі за замежнымі актывамі (OFAC). У яго ўнеслі змены: шэраг беларускіх суб’ектаў выключаны, а супраць шэрагу іранскіх кампаній і суднаў уведзеныя новыя санкцыі.
Згодна з апублікаванай інфармацыяй, са спісу выключаныя кампаніі Dana Holdings Limited, Dana Holdings, Dana Kholdingz, зарэгістраваныя на Кіпры, а таксама сербскі бізнесмен Нябойша Карыч, які меў дачыненне да дзейнасці Dana Holdings.
Браты Карычы — Багалюб і Драгамір — вядомыя ў Беларусі буйнымі будаўнічымі праектамі ў Мінску і сувязямі з сям’ёй Аляксандра Лукашэнкі. Нябойша Карыч, сын Багалюба, знаходзіўся пад санкцыямі ЗША з 2021 года.
У лютым стала вядома, што кампанія «Дана Астра», падраздзяленне беларускай кампаніі Dana Holdings, спрабавала дамагчыся ад Вялікабрытаніі зняцця раней уведзеных санкцый. Аднак кампаніі не ўдалося пераканаць Лондан у неабходнасці гэтага. Раней гэтая ж фірма таксама спрабавала зняць абмежаванні Еўрасаюза, але безвынікова.
Цяпер чытаюць
Беларусы ў сацсетках абураюцца, што дэкрэтніцам нібыта плацяць больш, чым тым, хто ходзіць на працу4
Каментары