Эканоміка33

Спецыялістка расказала, чаму ў гэтым годзе даражэе мёд

У жніўні — пачатку верасня завяршаецца сезон у пчаляроў і попыт на мёд у гэты час звычайна высокі. Журналісты Onliner заўважылі, што гэты прадукт цяпер даражэе, і даведаліся, чаму.

Фота: Onliner

У гэтым годзе на працу пчаляроў негатыўна паўплывала надвор'е, тлумачыць старшыня грамадскага аб'яднання «Беларускія пчаляры» і галоўны рэдактар часопіса «Беларускі пчаляр» Анастасія Хаўрук.

Па яе словах, у нашай краіне самы актыўны перыяд для пчаляроў — май і чэрвень, калі квітнее рапс, але сёлета ў гэты час былі замаразкі і дажджы.

«У пчол было мала сонечных дзён, калі яны маглі працаваць у поўную сілу. Яны ж збіраюць нектар, толькі калі вылятаюць з вулля. Седзячы ў вуллі, яны яго спажываюць альбо, калі нектар ужо ёсць, ператвараюць яго ў мёд.

Але асноўная праца па зборы нектара ў іх — толькі ў цёплыя сонечныя дні. Адпаведна, надвор'е практычна не давала пчолам працаваць, з-за гэтага ношка была слабай. І першы збор вясновага мёду ў канцы траўня-пачатку чэрвеня ў пчаляроў быў таксама слабы», — расказала яна Onliner.

Фота: Onliner

Ёсць яшчэ адзін момант: больш кароткі сезон. Анастасія распавядае, што нярэдка ён доўжыцца да канца жніўня і пчаляры не спяшаюцца заканчваць сезон. Мёд пчолам патрэбны і самім, каб яны маглі пражыць. На продаж забіраюць лішкі.

«Цяпер сезон скончаны адназначна, прычым з вельмі дрэннымі вынікамі. Бывалі гады, калі мы на пчальніку адпампоўвалі мёд у сярэдзіне верасня. Але сёлета мёду ў пчол вельмі мала, некаторыя сем'і нават галадаюць.

Таму пчаляры ўжо імкнуцца скончыць сезон і пачаць рыхтавацца да зімоўкі. Валавы збор мёду ў разы ніжэйшы, чым у апошнія гады: у кагосьці ў два разы, у кагосьці ў тры-чатыры. Прычым такая сітуацыя не толькі ў Беларусі — наколькі я ведаю, у суседніх краінах гэтак жа».

Па гэтых прычынах цэны на мёд павялічваюцца. Ужо ў мінулыя гады яго пакупалі не так шмат. Па ацэнках Анастасіі, у гэтым годзе цэннік працягне расці і гэта ўжо абмяркоўваецца ў супольнасці пчаляроў.

«Справа ў тым, што за апошнія гады цана на мёд у прынцыпе была несувемерна маленькай — з улікам таго, якую працу даводзіцца праводзіць пчаляру, каб здабыць мёд. Некаторыя лічаць, што пчаляр працуе толькі летам, але падрыхтоўка ідзе ўвесь год, а гэтыя некалькі месяцаў займае ўжо збор. Гэта праца складаная — і фізічна, і маральна», — кажа спецыялістка.

Сёлета на кірмашы цана будзе каля 20 рублёў за кілаграм. Рапсавы мёд лічыцца больш танным, а вось ліпавы, верасовы, грэчкавы традыцыйна больш дарагія, на 20-30% даражэй.

Са слоў Анастасіі, мёд ад беларускіх пчаляроў можна знайсці і ў крамах: некалькі прадпрыемстваў закупляюць яго ў пчаляроў. Але ў краме ёсць рызыка купіць не натуральны мёд, а прадукт, які пад яго мімікрыруе.

Выглядаць гэта можа так: на ўпакоўцы надпіс у духу «тайговы», «горны», «лугавы», але без слова «мёд», а з дробнай прыпіскай «мядовы прадукт». Склад жа пачынаецца з пункта «цукровая патака», і толькі дзесьці ў канцы прысутнічае «мёд».

Каментары3

  • даведка
    23.08.2025
    И сахар резко подорожал в последние дни, видно, будет неурожай сахарной свёклы.
  • Дрон
    23.08.2025
    Интересно, что прошлые годы мёд дорожал, потому что было жарко. Существует ли погода, при которой его цена будет как минимум стоять на месте?
  • Максим Дизайнер
    24.08.2025
    Дрон, Не в этой стране барыг, урвать, как в последний раз, и бегом за бугор.

Цяпер чытаюць

Лукашэнка: Мы гатовыя заключыць вялікую здзелку з ЗША

Усе навіны →
Усе навіны

Трамп у Кнэсеце: Пасля столькіх год войнаў рэгіён спакойны4

Мелказёраў перадаў свае кроксы ў Музей вольнай Беларусі22

У Мінску зачыніўся папулярны дзіцячы забаўляльны цэнтр

«Хавалі Сашу ў сукенцы, якую яна выбрала сабе на вяселле». Блізкія дзяўчыны, якая памерла пасля тату, расказалі пра трагедыю8

Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода22

Беларуска з сынам у Францыі засталася без дазволу на жыхарства. Яна просіць падтрымкі, каб не апынуцца на вуліцы4

Лаўроў абверг чуткі пра атручванне Башара Асада

Названыя апошнія нобелеўскія лаўрэаты ў гэтым годзе

Надзея Лазарэвіч больш не намесніца мэра Мінска7

больш чытаных навін
больш лайканых навін

Лукашэнка: Мы гатовыя заключыць вялікую здзелку з ЗША19

Лукашэнка: Мы гатовыя заключыць вялікую здзелку з ЗША

Галоўнае
Усе навіны →

Заўвага:

 

 

 

 

Закрыць Паведаміць