МЗС Расіі запатрабавала ад Польшчы не закрываць мяжу з Беларуссю і намякнула на наступствы
Прадстаўніца расійскага МЗС Марыя Захарава абвінаваціла Польшчу ў дэструктыўных кроках.
Расійскае МЗС запатрабавала ад Польшчы не закрываць мяжу з Беларуссю. Афіцыйны прадстаўнік ведамства Марыя Захарава назвала рашэнне Варшавы закрыць усе пункты пропуску дэструктыўнымі.
«Відавочна, што канфрантацыйныя крокі, якія прымае польскае кіраўніцтва, падпарадкаваныя адзінай задачы — апраўдаць лінію на далейшую эскалацыю напружанасці ў цэнтры Еўропы», — заявіла Захарава ў афіцыйным паведамленні МЗС Расіі.
На яе думку, рашэнне ўрада Польшчы нанясе сур'ёзную шкоду міжнародным партнёрам, якія выкарыстоўваюць гэтую мяжу для тавараабмену. Яшчэ расійская чыноўніца абвінаваціла Польшчу ў падрыве гуманітарных прынцыпаў, уключаючы свабоду перамяшчэння людзей. Хвалююць Захараву і праблемы жыхароў памежных раёнаў, якія пазбаўляюцца магчымасці падтрымліваць традыцыйныя сваяцкія сувязі і чалавечыя кантакты.
Прадстаўнік МЗС Расіі прыгразіла Польшчы наступствамі.
«Заклікаем Варшаву задумацца пра наступствы такіх дэструктыўных крокаў і перагледзець прынятае рашэнне ў самыя кароткія тэрміны», — рэзюмавала Захарава.
Польшча цалкам закрывае мяжу з Беларуссю а 1:00 па беларускім часе 12 верасня. Ва ўрадзе звязалі гэтае рашэнне з вучэннямі «Захад-2025», якія пройдуць да 16 верасня. Аднак польскія ўлады заявілі, што адкрыюць мяжу толькі тады, калі ад Беларусі не будзе зыходзіць ніякіх пагроз.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары