Нідэрланды, як і Ірландыя, Славенія і Іспанія, прыгразілі байкатаваць «Еўрабачанне-2026», калі ў ім будзе ўдзельнічаць Ізраіль
Нідэрланды сталі чацвёртай краінай, што прыгразіла байкотам песеннага конкурсу «Еўрабачанне-2026», калі прадстаўніку Ізраіля будзе дазволена ўдзельнічаць у ім.
Як заявіла нідэрландская грамадская тэлерадыёкампанія AvroTros, яна «больш не можа апраўдаць удзел Ізраіля ў конкурсе ў цяперашняй сітуацыі, улічваючы працяглыя чалавечыя пакуты ў Газе», піша Бі-бі-сі.
У заяве AvroTros таксама гаворыцца, што пры прыняцці рашэння аб байкоце конкурсу 2026 года тэлерадыёкампанія ўлічыла вялікую колькасць загінулых у Газе журналістаў.
Колькасць журналістаў, што загінулі ў Газе з пачатку вайны ў кастрычніку 2023 года, дасягнула амаль 200 чалавек. Ізраіль адмаўляе, што мэтанакіравана атакуе супрацоўнікаў СМІ ў сектары.
Раней пра свой адмову ўдзельнічаць у конкурсе ў знак пратэсту супраць вайны Ізраіля ў Газе заявілі Ірландыя, Славенія і Іспанія. Ірландская тэлерадыёкампанія RTE напярэдадні заявіла, што ўдзел Ізраіля ў «Еўрабачанні» «непрымальны» з улікам «працяглай і жудаснай гібелі людзей у Газе».
Яшчэ адна краіна — Ісландыя — заявіла, што канчатковае рашэнне аб удзеле ў конкурсе будзе прынята пасля таго, як Еўрапейскі вяшчальны саюз вынесе рашэнне наконт удзелу Ізраіля ў наступным годзе. Еўрапейскі вяшчальны саюз, арганізатар конкурсу, заявіў у чацвер, што разумее «занепакоенасць і існуючыя погляды адносна працяглага канфлікту на Блізкім Усходзе».
«Мы ўсё яшчэ кансультуемся з усімі членамі EBU, каб сабраць меркаванні пра тое, як нам варта падыходзіць да пытанняў удзелу [ў конкурсе] і геапалітычнай напружанасці вакол конкурсу «Еўрабачанне»», — гаворыцца ў заяве дырэктара Марціна Грына.
Два апошнія конкурсы «Еўрабачання» праходзілі на фоне пратэстаў супраць удзелу Ізраіля з-за працяглай ваеннай аперацыі ў Газе, што пачалася пасля нападу баевікоў ХАМАС на Ізраіль 7 кастрычніка 2023 года.
На конкурсе «Еўрабачанне-2025» Ізраіль прадстаўляла спявачка Юваль Рафаэль, якая выжыла падчас атакі баевікоў на фестываль Nova. Яна заняла другое месца, выканаўшы песню New Day Will Rise.
Першае месца заняў выканаўца JJ з Аўстрыі. Будучы юбілейны 70-ы конкурс «Еўрабачанне-2026» адбудзецца ў Вене 12—16 мая 2026 года.
Беларусь адхілена ад «Еўрабачання» з 2021 года.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма7
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары