Расійскія дроны перасталі залятаць у Беларусь, хоць Украіну па-ранейшаму атакуюць
Ужо 10 дзён не фіксуюцца выпадкі парушэння паветранай прасторы Беларусі расійскімі дронамі, хоць групы «шахедаў» Узброеных сіл РФ не спыняюць запускі на сумежныя з Гомельшчынай Чарнігаўскую, Жытомірскую і Кіеўскую вобласці Украіны. Прычым паветраныя атакі адбываюцца не толькі ноччу, як раней, але і раніцай, і ўдзень — амаль штодня цягам сутак. У тым ліку — 24 верасня, заўважыў «Флагшток».
Відавочна, што расіяне пачалі змяняць тактыку атак, і ўжо з жніўня карціна стала нетыповай.
На гэты момант, апошнія выпадкі ўварвання расійскіх беспілотнікаў у Беларусь былі зафіксаваны 14 верасня. У той дзень, паводле звестак украінскага маніторынгавага канала еРадар, у 10:26 было заўважана ўварванне двух дронаў: у кірунку Гомеля і Лоева. Яшчэ адзін беспілотнік у раёне Лоева з’явіўся на мапе, апублікаванай у 19:03.
Тады адзначалася, што сігналы некаторых дронаў знікалі перад заходам у Беларусь, а потым яны зноў з’яўляліся пры ўварванні ў Жытомірскую вобласць.
Акрамя таго, 14 верасня, каля 01:40, пралёт БпЛА чулі над Гомелем у раёне 5‑га мікрараёна, пісаў канал «Рэальная Беларусь».
У каментары «Флагштоку» аўтар канала еРадар пацвердзіў, што з таго часу ўварванняў расійскіх дронаў у Беларусь сапраўды не фіксавалася.
Цяпер чытаюць
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?5
Каментары