Аксакалы Туркменістана папрасілі ў прэзідэнта больш не павышаць заробкі, пенсіі і дапамогі
З незвычайнай ініцыятывай выступіў ганаровы старэйшына Язмырат Атамырадаў на пасяджэнні Халк Маслахаты (туркменскі аналаг Усебеларускага народнага сходу).
Паводле аксакала, людзі ў Туркменістане жывуць і так добра, а грошы, якія маглі б ісці на павышэнне заробкаў і дапамог, лепш накіраваць «на развіццё краіны і іншыя важныя кірункі».
Як сцвярджае Атамырадаў, ільгот насельніцтву, падобных туркменскім, не дае ні адна дзяржава ў свеце.
«Улічваючы высокі ўзровень сацыяльна-бытавых умоў людзей, прапаную перастаць павышаць заробкі, пенсіі, дзяржаўныя дапамогі, стыпендыі», — сказаў старэйшына.
Пры гэтым калі браць не афіцыйныя рэляцыі адной з найбольш закрытых краін свету, а сведчанні відавочцаў і ацэнкі экспертаў, то звычайна ўзровень жыцця ў Туркменістане не ацэньваецца надта высока, нягледзячы на багатыя прыродныя рэсурсы, якімі валодае краіна. Насельніцтва адчувае цяжкасці з задавальненнем базавых патрэбаў, такіх як ежа і лекі, асабліва пенсіянеры, выплаты якім часцяком не пакрываюць нават мінімальных выдаткаў.
«Абыякавасць і нянавісць». Як жыве Туркменістан — краіна, палітычную сістэму якой капіюе Лукашэнка
Туркменістан заявіў пра гатоўнасць пастаўляць газ у Еўропу
Туркменскі футбольны клуб пабіў рэкорд Кнігі Гінэса, але тая чамусьці гэтага не прызнае
«Духоўныя скрэпы» па-туркменску. Забараняецца трымацца ў публічных месцах за рукі, а жанчынам наносіць макіяж
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі11
Каментары
Камуналка 5-15$
Ранейшыя штомесячныя дармовыя талоны на 720 літраў бензіну адмененыя яшчэ дзесьці ў 2008 ці 2009 годзе.
Астатняе збольшага ўсё як ў нас, добрага мала. І на туркменскай мове ўсё, крыху на узбецкай, але тое не робіць людзей шчаслівымі. Толькі схаваўшыхся за мяжой ад войска не кідаюць ў турму пасля 27 гадоў.
Адукацыя ў хлам, у залікоўку кладзеш 5$ за залік і 10$ за экзамен - вось і здаў сесію. Чыноўнікі, менты, падатковая, ды усе... усе проста на рабочым мейсцы з тваіх рук бяруць даляры, іначай і не падыходзь.
З цікавага - бяруць толькі ў сваіх грамадзянаў, бо яны не будуць скардзіцца, ды і не дакажуць нічога без тых жа самых даляраў. У іншаземцаў браць баяцца.
З асабістых назіранняў - туркмены ды узбекі, якіх там багата, даволі прыемныя, і шляхетныя людзі.