У гонар адкрыцця новага напрамку для пасажыраў арганізавалі свята з азіяцкім каларытам. Першым турыстам уручылі асобны падарунак, піша БелТА.
У мерапрыемстве ўзялі ўдзел кіраўніцтва авіякампаніі, прадстаўнікі МЗС і Нацыянальнага аэрапорта Мінск, а таксама пасол Шры-Ланкі ў Расіі Шабіні Гунасекера.
Гэты далёкамагістральны рэйс — трэці з нядаўна адкрытых «Белавія». Да гэтага ў Нацыянальным аэрапорце Мінск далі старт палётам у Санью (Кітай), на Фукуок (В'етнам). Таксама аднавіліся чартары ў Аман.
Рэйсы Мінск — Матала будуць выконвацца раз на тыдзень па аўторках.
Для ўезду ў Шры-Ланку грамадзянам Беларусі неабходна загадзя аформіць электронны дазвол на ўезд (ETA). Падаць заяўку можна як індывідуальна, так і ў складзе групы. Тэрмін разгляду — да 24 гадзін.
Тэрмін дзеяння візы: 30 дзён з магчымасцю двухразовага ўезду.
А ў студзені стартуюць прамыя рэйсы «Белавія» ў Тайланд. З 8 студзеня авіякампанія пачне лётаць у Патаю (аэрапорт Утапао), з 11 студзеня — на Пхукет.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары