Міністр адукацыі Андрэй Іванец паведаміў, што школьнікі ўжо спакойна ставяцца да забароны карыстацца мабільнымі тэлефонамі ў школах. Паводле яго слоў, першае «хваляванне» пасля ўвядзення новых правілаў мінула, а цяпер вучні без праблем здаюць свае тэлефоны на захоўванне перад пачаткам урокаў.
Кіраўнік Мінадукацыі адзначыў, што асцярогі наконт таго, што дзеці пачнуць прыносіць кнопачныя тэлефоны ці хаваць смартфоны ў заплечніках, не пацвердзіліся. Маніторынг паказаў, што вучні прыносяць у школу свае звычайныя тэлефоны і добрасумленна іх здаюць.
Акрамя таго, як адзначыў Іванец, пасля ўвядзення забароны школьнікі сталі больш актыўнымі на перапынках — займаюцца гульнямі, размаўляюць і ўдзельнічаюць у іншых відах дзейнасці.
З 1 верасня ў школах Беларусі ўведзена забарона на карыстанне мабільнікамі падчас вучэбнага дня. Вучні павінны здаваць свае прылады ў спецыяльнае месца захоўвання і атрымліваюць іх назад толькі пасля заканчэння заняткаў.
Пры гэтым ёсць выключэнні: тэлефоны могуць заставацца ў дзяцей, якім яны неабходныя па медыцынскіх паказаннях — напрыклад, калі смартфон выкарыстоўваецца для кантролю за сэрцавым рытмам ці ўзроўнем глюкозы ў крыві. Таксама дазволена пакідаць тэлефон вучням з парушэннямі слыху, зроку або тым, каму супрацьпаказана насіць цяжкія рэчы.
Як удакладнілі ў Міністэрстве аховы здароўя, такія дазволы павінны быць дакладна пазначаныя ў медыцынскай даведцы — агульная фраза «можна карыстацца тэлефонам па медыцынскіх прычынах» недапушчальная.
Кандуктарка аўтобуса расказала, як правярае, што перад ёй школьнік
Школьнікі пратэстуюць у туалетах супраць забароны тэлефонаў
Смарт-гадзіннікі школьнікам усё ж такі дазволілі
«Гэта калонія для непаўналетніх, а не школа!» Бацькі школьнікаў абураюцца забаронай на смарт-гадзіннікі
Ці забараняюць мабільнікі ў школах у іншых краінах? І што пра гэта кажуць навукоўцы?
Настаўнікам у школах забаранілі карыстацца мабільнымі тэлефонамі падчас урокаў
У загінулай у Сляпянцы дзяўчыне апазналі Яну Кастранкову2
Каментары