На Першамай Лукашэнка падарыў малодшаму сыну зборнік Караткевіча па‑беларуску.
На Першамай Лукашэнка падарыў малодшаму сыну зборнік Караткевіча па‑беларуску.
1 мая Аляксандр Лукашэнка разам з малодшым сынам Мікалаем наведаў сталічны парк Горкага. Кіраўніка дзяржавы суправаджалі бізнесмен Юрый Чыж, тэнісны трэнер Сяргей Цяцерын, трэнер хакейнага «Юнацтва» Міхаіл Захараў і выконваючы абавязкі старшыні Мінгарвыканкаму Мікалай Ладуцька.
І Лукашэнка, і ягоны сын былі апранутыя ў спартыўную форму. У Аляксандра на масцерцы быў афіцыйны герб, а вось у Колі — не.
Найперш Лукашэнка наведаў трэніроўку хакеістаў на траве. Там яму падарылі клюшку, а таксама растлумачылі некаторыя тонкасці гульні. Пакуль Лукашэнка спрабаваў авалодаць нязвыклай для сябе клюшкай, Коля гуляўся са сваім iPhone.
Потым сын і бацька пайшлі есці бліны. І Мікалай папярэджваў тату, што спачатку трэба дачакацца, каб бліны астылі.
Але найбольш цікавым у гэтым рэпартажы выглядае своеасаблівы рэверанс Лукашэнкі ў бок беларускай мовы. Найперш ён звярнуўся да Колі па‑беларуску, калі прасіў аддаць яму цукеркі: «Коля, дай сюды».
Таксама Лукашэнка прагартаў і набыў часопіс «Вясёлка», а галоўнаму рэдактару Уладзіміру Ліпскаму сказаў па‑беларуску: «Дзякуй вялікі».
Ну і ўрэшце на кніжным кірмашы для сына кіраўнік дзяржавы выбраў кнігу «Лебядзіны скіт» Уладзіміра Караткевіча.
Потым Лукашэнка яшчэ набыў кілаграм сталічных цукерак. Ну а з парка з’язджаў самастойна за стырном машыны, адмовіўшыся ад паслуг ахоўнікаў.
-
«Паставілі перад фактам: альбо плацім, альбо застаемся». Група турыстаў з-за закрытай мяжы мела праблемы з вяртаннем дамоў
-
«Нас там не лічаць за людзей». Былы палітвязень Павел Нікіценка расказаў пра амаль адбытае зняволенне і нечаканае вызваленне
-
«Калаўра мы не пакрыўдзілі»: стала вядома пра новае месца працы былога старшыні Нацбанка
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка3
Каментары