Нямецкі генерал: Расія магла б пачаць невялікую атаку супраць NATO ўжо заўтра
«Расія мае дастаткова асноўных баявых танкаў, каб абмежаваны напад быў магчымы ўжо заўтра».
Генерал-лейтэнант Бундэсвера Аляксандр Зольфранк заявіў, што Расія ўжо зараз мае сілы для абмежаванага ўдару па тэрыторыі NATO.
«Калі вы паглядзіце на цяперашнія магчымасці і баявую моц Расіі, Расія магла б пачаць невялікую атаку супраць тэрыторыі NATO ўжо заўтра»,
— сказаў генерал у інтэрв'ю агенцтву Reuters.
«Невялікую, хуткую, абмежаваную рэгіянальна, нічога вялікага — для гэтага Расія занадта занятая ва Украіне».
Зольфранк паўтарыў папярэджанні NATO, што Расія патэнцыйна можа арганізаваць буйнамаштабны напад на альянс ужо ў 2029 годзе, калі будзе працягваць гэтак жа нарошчваць узбраенне.
Генерал заявіў, што, нягледзячы на няўдачы ва Украіне, вайскова-паветраныя сілы Расіі захоўваюць істотную баявую моц, а яе ядзерныя і ракетныя сілы застаюцца некранутымі. І хаця Чарнаморскі флот значна пацярпеў, іншыя расійскія флаты не былі скарочаныя. Да таго ж Расія мае намер павялічыць агульную колькасць войскаў да 1,5 мільёна салдат.
«І Расія мае дастаткова асноўных баявых танкаў, каб абмежаваны напад быў магчымы ўжо заўтра», — дадаў Зольфранк, не сказаўшы, што такі напад зараз плануецца.
Ці вырашыць Масква атакаваць NATO, будзе вызначацца трыма фактарамі: ваеннай моцай Расіі, яе ваенным досведам і кіраўніцтвам. Але многае залежыць і ад моцы НАТА.
Цяпер чытаюць
Сёння Мінск прачнуўся ўначы ад гучнага гука, падобнага да дрона9
Каментары