У Слуцкім раёне невядомыя выкапалі туі з могілак. І гэта не адзіная для іх праблема
На могілках у Бокшыцах Слуцкага раёна невядомыя выкралі тры туі. Пры гэтым мясцовыя жыхары ўжо не ўпершыню звяртаюць увагу на праблемы аховы могілак ва ўсім раёне, піша BGmedia.
Жыхарка Слуцкага раёна паведаміла пра непрыемны інцыдэнт: з магілы на могілках у вёсцы Бокшыцы выкапалі тры туі.
«Апісаць эмоцыі, калі сутыкаешся з гэтым, проста немагчыма. Праверце пахаванні сваіх блізкіх, магчыма, і вы пацярпелі», — піша яна ў адным з мясцовых каналаў.
Падобныя выпадкі ў раёне не адзінкавыя: як узгадвае адна з чытачак, каля пяці гадоў таму падобны крадзеж адбыўся ў вёсцы Бранавічы. Гэтыя навіны выклікалі абурэнне ў мясцовых жыхароў, пра што сведчаць негатыўныя рэакцыі пад навінамі.
Вандалізм і псаванне помнікаў
Праблемы могілак Слуцкага раёна не абмяжоўваюцца адным крадзяжом туяў. У самім Слуцку старое надмагілле Люцыны Орды пашкоджана: гранітныя пліты былі часткова абрабаваныя невядомымі асобамі.
За магіламі салдат Другой сусветнай вайны замацаваныя гарадскія прадпрыемствы, якія даглядаюць іх і ўскладаюць вянкі да 9 мая. У каталіцкай частцы могілак перыядычна праводзяць уборку каталікі. Таксама, у абвешчаны дзяржавай Год упарадкавання да работ на могілках прыцягваюць школьнікаў, супрацоўнікаў дзяржпрадпрыемстваў.
Але, нягледзячы на гэта, праблема застаецца. Могілкі знаходзяцца ў падпарадкаванні ЖКГ, і менавіта яны павінны сачыць за парадкам, аператыўна выяўляць акты вандалізму і звяртацца ў міліцыю. Аднак на практыцы сапраўдная ахова і ўпарадкаванне не ў найлепшым стане.
Адсутнасць аховы і гісторыка-мемарыяльнага статусу
Могілкі ў Слуцку закрытыя для новых пахаванняў з верасня 1981 года і не ахоўваюцца, а тэрыторыя не мае гістарычнага або мемарыяльнага статусу. Брама XIX стагоддзя таксама не лічыцца помнікам архітэктуры. Як адзначаюць мясцовыя краязнаўцы, у краіне, дзе няма належнай павагі да гісторыі, ахова такіх месцаў становіцца асабліва складанай.
На тэрыторыі могілак часам збіраюцца людзі, якія злоўжываюць алкаголем, у тым ліку моладзь. Тут адбываюцца разбурэнне помнікаў, нанясенне надпісаў на магільных плітах вядомых людзей. Напрыклад, магіла члена Вайсковай рады часоў Расійскай Імперыі генерала Міхаіла фон Мевеса была знішчаная, а помнік размаляваны.
Праблемы розных частак могілак
Праблемы закранаюць і іншыя ўчасткі: на могілках салдат Другой сусветнай вайны часам пасвяць козаў, на габрэйскай частцы людзі заўважалі кароў. Нягледзячы на абвешчаны дзяржавай Год упарадкавання, у Слуцку і па раёне працягваюцца праблемы з аховай і падтрымкай могілак.
«Ідэя ўзнікла пасля званка выбаршчыцы». Беларуская дэпутатка стварыла сайт з тысячамі магіл
У наступным годзе будуць пашыраць мінскія могілкі «Лясныя»
У Парыжы праз латарэю разыгрываюцца месцы на могілках побач са знакамітасцямі
На Усходніх могілках адкрылі надмагільны помнік Змітраку Бядулю
«Новая хатка, толькі цесненькая». Чым была труна ва ўяўленні продкаў беларусаў
Пяць цікавых могілак Беларусі для наведвання на Дзяды
Каментары
"выкрасці" - гэта пра крадзеж некага/нечага з-пад моцнай аховы
"украли"(рус) = "выкралі"(бел) ?! -- то ёсць жЭстачашЫ пераклад! ))
Пагалоўная пасадка туй - асобны від безгустоўнасці тутэйшых.