У Чачні пабудуюць праваслаўны сабор імя князя Уладзіміра ў раёне імя Пуціна
Праваслаўная царква будзе пабудаваная пасярэдзіне вялікага пешаходнага бульвару, які злучае дзве мячэці.
У сталіцы Чачні горадзе Грозным, у раёне імя Уладзіміра Пуціна, заклалі капсулу з граматай сабора князя Уладзіміра. Пра гэта паведаміў кіраўнік Чачні Рамзан Кадыраў.
«У цэнтры раёну, які носіць імя прэзідэнта Расіі У. У. Пуціна, асвячоны новы сабор у гонар святога роўнаапостальнага князя Уладзіміра — хрысціцеля Русі і нябеснага заступніка кіраўніка нашай краіны. Яго ўзвядзенне нацэленае падкрэсліць пераемнасць духоўных традыцый, умацаваць культурнае і міжканфесійнае адзінства жыхароў рэспублікі. У падмурак сабора закладзеная капсула з граматай», — гаворыцца ў паведамленні мэрыі Грознага.
Царква будзе пабудаваная пасярэдзіне вялікага пешаходнага бульвару, які злучае дзве мячэці, піша ТАСС. Яна будзе разлічаная на больш чым 550 прыхаджан, агульная плошча складзе каля 442 кв. м. Пабудаваць сабор хочуць у 2026 годзе.
Акрамя таго, раней паведамлялася, што ў сярэдзіне 2027 года запланаваная здача ў эксплуатацыю раёну Пуціна, піша Astra. Першую лінію раёну з 30 шматкватэрнымі дамамі адкрылі 7 кастрычніка, ён займае плошчу 300 га і разлічаны на 150 000 жыхароў.
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары