Апаненты Ціханоўскай збіраюцца стварыць свой орган, каб легітымна прадстаўляць беларускі народ
У іх задуме Беларуская нацыянальная кааліцыя стане «пераходным органам стратэгічнага кіравання».
21 лістапада апаненты Святланы Ціханоўскай збіраюцца ў Вільні на чарговы Сход неабыякавых, ужо другі па ліку.
Арганізатары апублікавалі праграму мерапрыемства, і ў ёй адным з цэнтральных пунктаў пазначана стварэнне Беларускай нацыянальнай кааліцыі (БНК). «Мэта — зацвердзіць БНК як пераходны орган стратэгічнага кіравання і прадстаўніцтва беларускага народа», — гаворыцца ў праграме.
Структура плануецца сур’ёзная, у ёй створаць Раду і чатыры сектаральныя аддзелы — палітычны, эканамічны, бяспекі, інфармацыі.
На сходзе збіраюцца «пацвердзіць легітымнасць БНК як інстытута нацыянальнага прадстаўніцтва».
Хто стане на чале новай суполкі, невядома. Аднак папярэдні Сход неабыякавых праходзіў пад эгідай Георгія Дзмітрука («Беларуская хрысціянская дэмакратыя») і Яўгена Вільскага («Народная грамада»). Таксама сярод арганізатараў быў Міхаіл Кучараў — былы міліцыянер, які яшчэ ў 1990‑я звольніўся з органаў, а цяпер жыве ў Люксембургу.
На выбарах у Каардынацыйную раду ў 2024 годзе блок «Салідарнасць», у які ўваходзілі БХД і «Народная грамада», заняў перадапошняе месца — 1,55% ад колькасці тых, хто ўзяў удзел у галасаванні.
«Наша Нiва» — бастыён беларушчыны
ПАДТРЫМАЦЬ-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванні сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
Цяпер чытаюць
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак3
Каментары
Зараз лога намалюю...