У Шчорсах зноў прадаюць «Мураванку Храптовічаў». Гэтым разам за 84 рублі
У аграгарадку Шчорсы Гродзенскай вобласці прадаюць комплекс закінутых гаспадарчых пабудоў, якія калісьці былі часткай знакамітай сядзібы Храптовічаў — аднаго з магнацкіх родаў у гісторыі Беларусі. Аб’ява з’явілася на пляцоўцы «БУТБ-Маёмасць».
Эксперты ацанілі комплекс у $100 тыс., але пакупнікоў за такую цану не знайшлося. Цяпер аб’ект зноў выстаўлены на таргі, і яго кошт знізіўся да двух базавых велічынь. Зараз гэта 84 рублі, піша Office Life.
Купіць можна ветлячэбніцу, цялятнік, кароўнік, амбар і іншыя збудаванні агульнай плошчай больш за 1,5 тыс. «квадратаў». Пабудовы выкананыя ў характэрным для свайго часу замкавым стылі з цаглянымі фасадамі, вежамі і масіўнымі сценамі, якія нагадваюць абарончыя збудаванні. Прадаўцом выступае Шчорсаўскі сельскі выканаўчы камітэт.
Пераможца аўкцыёну атрымае ў арэнду на 50 гадоў зямельны ўчастак плошчай каля 6,4 га з гісторыка-культурным прызначэннем. Яго можна будзе выкарыстоўваць для жылой, адміністрацыйнай або гандлёвай ці іншай забудовы на падставе навуковай дзейнасці, узгодненай з Міністэрствам культуры ў выпадку змянення прызначэння нерухомай маёмасці.
Заяўкі на ўдзел у аўкцыёне прымаюцца да 18 снежня. Сам аўкцыён пройдзе ў электронным фармаце 22 снежня на платформе «БУТБ-Маёмасць».
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў15
Каментары
Ды паводле закону мы маем наступныя населенныя пункты: хутар, вёска, аграгарадок, горад.
Мястэчка вось нажаль няма.