У Тайландзе ў храме Wat Rat Prakongtham 65‑гадовая жанчына нечакана «ажыла» за некалькі хвілін да запланаванай крэмацыі, паведамляе выданне The Bangkok Post.
Сям’я прывезла жанчыну ў храм у труне ў рамках праграмы Final Home, якая дапамагае ладзіць пахаванні. Раней мясцовыя ўлады паведамілі родным пра смерць жанчыны. Яе малодшы брат сцвярджаў, што апошнія тры гады даглядаў сястру і не сумняваўся ў афіцыйным паведамленні. Пасля афармлення ўсіх дакументаў цела перадалі ў храм (асноўная частка насельніцтва Тайланда — будысты, а яны нябожчыкаў звычайна спальваюць з выкананнем рэлігійных абрадаў).
Аднак калі супрацоўнікі храма адкрылі труну перад цырымоніяй, яны заўважылі рух і неадкладна спынілі працэс. Святар распарадзіўся адправіць жанчыну ў бальніцу і паведаміў сям’і, што храм аплаціць лячэнне.
Медыкі высветлілі, што ў жанчыны не было прыкмет спынення сэрца ці дыхання. Памылковае паведамленне пра смерць адбылося з-за цяжкай гіпаглікеміі — рэзкага зніжэння ўзроўню цукру ў крыві, якое прывяло да стану, падобнага да клінічнай смерці.
Жанчына атрымала неадкладную дапамогу і цяпер знаходзіцца пад наглядам дактароў. У храме адзначылі, што рух цела заўважылі літаральна за некалькі хвілін да пачатку крэмацыі.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Я першы з такiм каментаром?