Войска Расіі ўдарыла па партовай інфраструктуры Адэскай вобласці: 7 загінулых, 15 параненых
Расійскія войскі ўвечары 19 снежня нанеслі масаваны ўдар балістычнымі ракетамі па аб’екце партовай інфраструктуры ў Адэскім раёне.
Фота: facebook com/Сяргей Крук
У выніку атакі загінулі сем чалавек, яшчэ 15 атрымалі раненні. Пра гэта паведаміў кіраўнік Адэскай абласной ваеннай адміністрацыі Алег Кіпер
«Паводле папярэдняй інфармацыі, на жаль, сем чалавек загінулі. Яшчэ пятнаццаць атрымалі раненні і былі шпіталізаваныя».
Са слоў Кіпера, пасля ўдару ўспыхнуў пажар — загарэліся грузавыя аўтамабілі на паркоўцы. Усіх пацярпелых шпіталізавалі, лекары аказваюць неабходную медыцынскую дапамогу.
Праца аператыўных і экстранных службаў ускладненая праз працяглую паветраную трывогу.
Каментары