«Я толькі за»: Зяленскі назваў галоўныя ўмовы для правядзення выбараў ва Украіне
Арганізацыя выбараў ва ўмовах ваеннага часу запатрабуе змен ва ўкраінскім заканадаўстве.
Прэзідэнт Украіны запэўніў, што не мае намеру трымацца за прэзідэнцкае крэсла. Пра гэта ён заявіў у інтэрв’ю для PAP, паведамляе УНІАН.
Адказваючы на пытанне пра магчымасць правядзення выбараў ва Украіне, ён нагадаў, што Расія пастаянна абстрэльвае цывільныя аб’екты ў яго краіне.
«Мая рэакцыя на сігналы з боку ЗША была вельмі адкрытай: я сказаў, што не маю ніякага намеру ні пры якіх абставінах трымацца за прэзідэнцкае крэсла. Вядома, калі будзе забяспечаная магчымасць правядзення належных, годных і дэмакратычных выбараў», — падкрэсліў украінскі лідар.
Паводле слоў Зяленскага, арганізацыя выбараў ва ўмовах ваеннага часу запатрабуе заканадаўчых змен ва ўкраінскім заканадаўстве:
«З іншага боку, калі спытаць украінскіх грамадзян, ці хочуць яны гэтых выбараў і ці гатовыя да іх, то (…) безумоўна, усе баяцца правядзення выбараў у ваенны час, безумоўна, ніхто не можа ўявіць, як гэта можна зрабіць бяспечна і сумленна».
«Аднак я хачу падкрэсліць, што калі ёсць магчымасць гарантаваць бяспеку людзей на час правядзення такіх выбараў, каб людзей проста не забівалі, калі яны прыходзяць на выбарчыя ўчасткі, то я толькі за», — дадаў ён.
Цяпер чытаюць
Бабарыка: Калі б мы перамаглі — вайны ва Украіне не было б13
Каментары
Ой, як бы я хацеў пачуць, што Лукашэнка й Пуцін кажуць тыя ж словы й маюць іх на ўвазе.