Зліццё «Нафтагаза» і «Газпрома» немагчымае, заявіў прэзідэнт Украіны Віктар Януковіч.
Па яго словах, Украіну зацікавіла б аб’яднанне «Газпрома» і «Нафтагаза» «50 на 50». Януковіч падкрэсліў, што Украіна ў такім выпадку атрымае долю кантролю над усёй маёмасцю «Газпрома».
«Ну, я б сказаў так: мы разумеем, што гэта немагчыма зрабіць 50 на 50, таму што „Газпром“ ніколі не пагодзіцца на гэта, не пагодзіцца Расія. Гэта такі своеасаблівы жарт. Што да аб’яднання на любых іншых умовах, то гэта немагчыма», — цытуе Януковіча «Украінская праўда».
На ўдакладняльнае пытанне, ці будзе зліццё кампаній, прэзідэнт адказаў: «Ну, гэта немагчыма. Калі весці размову аб мадэрнізацыі газатранспартнай сістэмы — гэта рэальна, але гэта пытанне, якое трэба пралічваць».
«У нас гатовыя прапановы, мы бачым этапнасць правядзення гэтай мадэрнізацыі і лічым, што ўдзельнікамі гэтага праекту могуць быць краіны ЕС, Расія і Украіна», — сказаў Януковіч.
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады7
Каментары